ރެޖިސްޓްރީ ކުރެއްވުމަށްފަހު އަމިއްލަފުޅަށް މަޒުމޫނު ޝާއިޢުކުރަށްވާ ނުވަތަ ޕަބްލިޝް@ފަންވަތް.އިންފޯ އަށް މެއިލް ކުރަށްވާ

އަދުގެ ޚާއްސަ


ފޮތެއްގެ ތަޢާރުފު

ޙަސަން ޝާކިރު މުޙަންމަދު

ހާހާ ނުވަސަތޭކަ ސައުރަޔާއި ވަނަ އަހަރުގެ ސެޕްޓެމްބަރު މަހުގެ 20 ވަނަ ދުވަހު، އޭރު މިޞްރުގެޤާހިރާގައި ހުންނެވި ޔުނިސެޕްގެ މަންދޫބު މރ. އެޑްވަޑް ޖޭ. ލެނަޓްގެ އެދިވަޑައިގަތުމަކަށް، ކުޑަކުދިންނާއި މައިން ރައްކާތެރިކުރުމާއި ބިނާކުރުމާބެހޭ ގޮތުން ޔުނިސެފުން ކުރަމުންގެންދާ މަސައްކަތްތަކުގައި، އަޒްހަރު ޔުނިވަރު ސިޓީ ބައިވެރިވުމުގެ ގޮތުން އަޒްހަރުގެ އޭރުގެ އިމާމު، އަލްއިމާމުލް އަކްބަރު ފަޟީލަތުއްޝައިޚު ޖާދުލްޙައްޤު ޢަލީ ޖާޖުލްޙައްޤު އެކުލަވައިލެއްވި ދަންނަބޭކަލުންގެ ޚާއްޞަ ކޮމިޓީއަކުން އެކުލަވައިލެއްވި ދިރާސާއެއްގެމައްޗަށް ބިނާކުރައްވައިފައިވާ "ކުޑަކުދީންނާއި އިސްލާމްދީން" މިފޮތް ދިވެހި ބަހަށް ތަރުޖަމާ ކުރައްވާފައިވަނީ، ރާއްޖޭގައި ހުންނަ ޔުނިސެފުގެއޮފީހުގެ އެދުމުގެ މަތިންނެވެ.



ފަޟީލަތުއްޝަައިޚުލްމަރުޙޫމު ޙުސައިންޞަލާޙުއްދީން

އަހުރެންގެ އެދުރު އައްޑޫ މީދޫ އައިސާބީގެ ދަރި، އައްޝައިޚުލްޙާފިޡް އިބްރާހީމް ތަކުރުފާނު ދޮންބެއްޔާ ވާހަކަ ކިޔައިދެއްވަޔޭ ތިމަންނާމެން ކުޑާވަރު އިރު، މާލޭ ފަނޑިޔާރުގޭގައި އުޅޭއިރު އެތާގެ ބަނޑޭރިކަމުގައި ހުންނަނީ ކަޅު އިބްރާހީމް ކަލޭގެފާނެވެ ކިޔޭ މީހެކެވެ. މި ކަލޭގެފާނަކީ ވަރަށް ވެސް ލޮނުހެޔޮވަރު ބުއްދިވެރި މީހަކު ކަމުގައި ނޫނީ އަހުރެން ނުދެކެވެ. މި ކަލޭގެފާނު އަހުރެމެންނާ ދިމާޔަށް ބުނެޔޭ ކުދީންނޭވޭ ދުނިޔޭގައި އުޅޭނޭ ގޮތް ދަސްކުރާން މަ ގާތަށް އަންނާށޭ.

އާދަމްޝަރީފު މުޙައްމަދު، ރޯޒީ/ ށ. ފުނަދޫ

އުފެއްދުންތެރި ލިޔުން

އަހަންނަކީ ފުނަދޫގެ ފެހި ޖައްވަށް ފިނިކަމާއި ހިތްފަސޭހަކަން ގެނެސް ދިނުމަށް މަސައްކަތް ކުރާ ގަސް ތަކުގެ ތެރެއިން ގަހެކެވެ. އެފަދަ ގަސް ތަކުގެ ތެރެއިންވެސް ޤަދަރު ކުރެވޭ ގަހެކެވެ. ފާއިތުވެ ދިޔަ ދުވަސް ތަކުގައި މިބިމުގައި ފައި ހަރުކޮށްގެން ހުރީ އަހަރެންގެ ސަބަބުން މި ރަށުގައި ދިރިއުޅޭ މީހުންނަށް ހިތްފަސޭހަ ކަމާއި ހިޔާދިނުމަށެވެ. އަދި އެމީހުންގެ ހުސް ވަޤުތުތައް
Print

ދިވެހި މަސައްކަތްތެރިކަން

ޝާޢިއުކުރީ އުނައިސް . ހިމެނޭބަޔަކީ އާދަކާދަ

ފެށުން

މި މަޒުމޫނުގައި އަޅުގަނޑު ހިމަނާލާނީ ދިވެހި މަސައްކަތްތެރިކަމުގައި ހިމެނޭ ކަންތައްތަކުގެ ތެރެއިން ތިން މަސައްކަތަކާއި ބެހޭ މަޢުލޫމާތެވެ. އެއީ ދަނޑުވެރިކަމާއި، ވަޑާންކުރުމާއި ކުނާވިޔުމެވެ. އަދި އެ މަސައްކަތްތައް ކުރާގޮތާއި، މަސައްކަތުން ލިބޭ ނަފާ އާއި އަދި މި މަސައްކަތްތައް ކުރުމަށް ބޭނުންކުރާ ތަކެއްޗާއި ބެހޭ މަޢުލޫމާތެވެ. މިފަދަ މަސައްކަތްތަކަކީ މިހާރުވެސް ރާއްޖޭގެ އެކި ކަންކޮޅުތަކުގައި ކުރަމުން އަންނަ މަސައްކަތްތަކެވެ.

ދަނޑުވެރިކަން

ދަނޑުވެރިކަމަކީ ދިވެހިން އިހުޒަމާނުއްސުރެ ކައިބޮއެ އުޅުމަށް ކުރަމުން އައި މަސައްކަތެކެވެ. ދިވެހިރާއްޖޭގައި ގޯތިތެރެއާއި ބޮޑެތި ބިން ތަކުގެ އިތުރުން ފަޅު ރަށްރަށުގައިވެސް ދަނޑުވެރިކަން ކޮށް އުޅެއެވެ.

މަސައްކަތް ކުރުމަށް ބޭނުންވާ ސާމާނު:

އުދަލި

ފެންދޭ ކުރާ

ގަހަށް ޖަހާ ބޭސް       

ގަހަށް ބޭސް ޖަހާ ފުޅި               

ގަސްކާނާ

 

Print

ޚުލްޤަކީ...

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ

ޚުލްޤަކީ ގަހަނާއެކޭ ނަފްސެއް އެއިން ޒީނަތްކުރާ

          ޚުލްޤަކީ އެޚަޒާނަޔޭ ހެޔޮ ޢަމަލު މީޒާން ބަރުކުރާ

ޚުލްޤަކީ ޖާހިލުކަމުގެ ބަނަކަން ޙަޔާތުން ފޭކުރާ

          ޚުލްޤަކީ ދަންމަރެކެ ރޯކުރެވޭ ޙަޔާތަށް އަލިކުރާ

ޚުލްޤަކީ މަގެކޭ ނިފާޤުގެ ސިފަތަކުން ދުރުހެލިކުރާ

          ޚުލްޤަކީ ބާރެއް އެއިން ހިތްތައް މުޅިން ޠާޙިރުކުރާ

Print

ވޯރާވިޔަފާރިވެރިން އެހާ ނުފޫޒުގަދަ ބަޔަކަށްވީ ކީއްވެގެން ހެއްޔެވެ؟

ޝާޢިއުކުރީ މަރްޔަމް ސަނިއްޔާ ، ރޯޒްވިލާ / ނ. ކެނދިކުޅުދޫ . ހިމެނޭބަޔަކީ ތާރީޚް

ތަޢާރަފް

ވޯރައިންނަކީ ދިވެހިރައްޖޭގައި ވިޔަފާރިކޮށް އުޅުނު ބައެކެވެ. އަދި މިއީ އިންޑިޔަގެ ބޮމްބޭ ހިސާބުން ރާއްޖެ އައިސް އުޅުނު ބައެއްކަމަށް އަހުމަދު ޝާކިރު (2004) ހާމަކުރައްވައެވެ. މިމީހުންނަށް ދާއޫދީ ބޯރާއިން އަދި ބޯރާ ބުންބާ އިން ކިޔުނުކަމަށް އަބްދުﷲ މުފީދު (2009) ބަޔާންކުރައްވައެވެ. އަދި 'ވޯރާ' މިނަމަކީ ފަހުން މުޙައްމަދު އަމީން ދެއްވި ނަމެއް ކަމުގައިވެސް ބަޔާންކުރައްވައެވެ. ވޯރާއިންގެ ތެރޭގައި ސްރީލަންކާގެ މީހުން ތިބޭކަމަށް ވެއެވެ. އަދި އެމީހުންގެ ވިޔަފާރިތަކުގެ ވެރިން ތިބެނީ ސްރީލަންކާގައި ކަމަށާއި މާލޭގައި ތިބެނީ މުނީމުން(ސޭޓުން)ނާއި ނޯކަރުންކަމަށްވެސް އަބްދުﷲ މުފީދު (2009) ބަޔާންކުރައްވައެވެ.

Print

ތިބާ އާއި އިސްލާމްދީން

ޝާޢިއުކުރީ އިސްމާޢީލް އަލީ ރ.ކަދޮޅުދޫ . ހިމެނޭބަޔަކީ ޢަޤީދާ

އިސްލާމްދީނަކީ ރަހުމަތުގެ ދީނެވެ.ކާއިނާތުގެވެރި އިލާހާއި،ތިބާ އާއި ދެމެދުގައިވާ ވަރުގަދަ ގުޅުމެވެ. މި ދީނަކީ ތިބާގެ މުޅި ވުޖޫދެވެ. އަދި ތިބާގެ ހެޔޮ ނަސީބާއި ހިތްހަމަޖެހުން ބިނާ ވެފައިވަނީ މިދީނުގެ މަތީގައެވެ.އިސްލާމްދީން ރަނގަޅު ހުރިހާ ސިފަތަކެއް ދަސްކޮށް ދެއެވެ. އަޚްވަންތަކަމާއި، ރަހުމާއިލޯތްބާއި، ހަމްދަރުދީއާއިކުލުނުވެރިކަމެވެ. ކެރުންތެރިކަމާއި، ހުޝިޔާރުކަމާއި،ވަފާތެރިކަމާއި، ތެދުވެރިކަމެވެ. އެއްބައިވަންތަކަމާއި، އިޚްލާސްތެރިކަމާއި، އަމާނާތްތެރިކަމެވެ. އިހުތިރާމުކުރުމާއި، މަޢާފުކުރުމާއި،ދީލަތި ކަމެވެ.ކެތްތެރިވުމާއި،ޝުކުރުކުރުމާއި،ކެތްތެރިވުމަކީ ވަރަށް މުހިއްމު ދެސިފައެވެ.ހެޔޮކަންކަމަށް އަމުރުކުރުމާއި ނުބައި ކަންކަން މަނާ ކުރުމަކީ ކޮންމެހެން ތިބާ ކުރަން ޖެހޭނެ ކަމެކެވެ.މި ލިޔެލެވުނީއިސްލާމީ ރިވެތި ސިފަތަކުގެ ތެރެއިން މަދު މިންވަރެކެވެ.އިސްލާމްދީން ނުރުހޭސިފަތަށްވެސް އެހާ ގިނަވާނެއެވެ. 

ކުކުޅުބިހަކަށް ނަޒަރު ހުއްޓާލަ ބަލާށެވެ.ބިހުގައި ލެވިފައިވާ ހަރުތޮށިގަޑުގެ ސަބަބުން އެތެރޭގައިވަ ހުރިހާ އެއްޗެއް ވަނީ ރައްކާތެރި ކުރެވިފައެވެ.މި ހަރު ތޮށިގަޑު ނުވާ ނަމަ ބިހުގެ ބޭނުން ނެތި ދިޔައީއެވެ. ހަމަ މިބީދައިން އިސްލާމްދީނަކީ ތިބާ ވަށައިގެންވާ ބޯތޮށިގަޑެކެވެ.ތިބާގެ ސަލާމަތާއި، ރައްކާތެރިކަން ގުޅިފައިވަނީ މަތިވެރި އިސްލާމްދީނާއެވެ..އިސްލަމްދީނާއި ނުލައި ތިބާގެ ހަޔާތަކީ ފަޅު ހަޔާތެކެވެ.

ބިހަކީ އެހާ އަގުބޮޑު އެއްޗަކަށް ނުވުމާއިއެކުވެސް މީހުން އެ ގެންގުޅެނީ ނުހަނު ފަރުވާތެރި ކަމާއި އެކުގައެވެ. އެއި ނާޒުކު އެއްޗަކަށް ވާތީއެވެ.ގެނެވޭ ކުޑަކުޑަ ހަރަކާތަކުން ބިހުގައި ރެނދު ލައެވެ.ބިސްތަޅައިގެންދެއެވެ.އިސްލާމްދީނަކީ ތިބާގެ މުޅި ޙަޔާތެވެ.ދެދުނިޔޭގެ ބާއްޖަވެރިކަމެވެ.މިފަދަ ބޮޑު ނިޢުމަތަކާއި މެދު ފަރުވާކުޑަ ކުރަން ހެޔޮ ވެދާނެތޯއެވެ.ތިބާ އިސްލާމްދީނަށް ރައްކާތެރިވާށެވެ.

Print

ނަޞްރުގެ ދުވަހުގެ ތަޤުރީރު (2015)

ޝާޢިއުކުރީ އާދަމް ނަޞީރު އިބްރާހީމް . ހިމެނޭބަޔަކީ ތާރީޚް

މިއީ 2015 ވަނަ އަހަރުގެ ނަޞްރުގެ ދުވަހުގެ މުނާސަބަތުގައި ދިވެހިރާއްޖޭގެ ޤައުމީ ދިފާޢީ ބާރުން، އިންތިޒާމު ކުރައްވައިގެން، ސިފައިންގެ މައިމަރުކަޒު (ކަޅުތުއްކަލާ ކޮށި)ގައި ބޭއްވެވި ނަޞްރުގެ ދުވަހުގެ ޚާއްޞަ ޖަލްސާގައި އެ ޖަލްސާގެ ޝަރަފުވެރިމެހުމާނު، ފަންވަތުގެ އެޑިޓަރ އާދަމް ނަޞީރު އިބްރާހީމް ދެއްވި ތަޤުރީރެވެ. 

بسم الله الرحمن الرحيم

الحمد لله رب العالمين والصلاة والسلام على نبينا محمد وعلى آله وصحبه أجمعين

 

މިނިސްޓަރ އޮފް ޑިފެންސް އެންޑް ނޭޝަނަލް ސެކިޔުރިޓީ އޮނަރަބްލް އާދަމް ޝަރީފު، ޗީފު އޮފް ޑިފެންސް ފޯސް މޭޖަރ ޖެނެރަލް އަޙްމަދު ޝިޔާމް، ވައިޒް ޗީފް އޮފް ޑިފެންސް ފޯސް ބްރިގޭޑިއަރ ޖެނެރަލް އަޙްމަދު ޝާހިދު، ދިވެހިޤައުމުގެ ފަޚުރުކަމުގައި ވާ ޤައުމާއި ދީނަށް ވަފާތެރި ހިތްވަރު ގަދަ ދިވެހި އެންމެހައި ސިފައިން. އެންމެހައި ޖަލީސުން. السلام

عليكم.

 

އާދެ! އަޅުގަނޑުގެ ލޯ މި ވަގުތު ހުއްޓިފައި މި ހުރީ ކުރިމަތީގައި ތިޔަ ތިއްބެވި، ނަޞްރުގެ ދުވަހުގެ ޢިއްޒަތްތެރި މުޖާހިދުންނަށް. އަޅުގަނޑުގެ ކަންފަތް ސަމާލުކަން ދީފައި ވަނީ ވަޒަން ހުސްވަނީއޭ ވަޒަން ގެނެސްދޭށޭ ޝަހީދު ޙުސައިން އާދަމް ގޮވައިލައްވައި އެ ތަކުރާރު ކުރެއްވި އިޚްލާޞްތެރި އާދޭހުގެ އަޑަށް. އަޅުގަނޑުގެ ހިތް މި ވަގުތު އުފައްދަމުންދަނީ ބޮޑުތަކުރުފާނުގެ އަގުމާތް ޖިހާދާ ދޮންބަންޑާރައިންގެ މޫރިތި ސީރަތުން އަދުގެ ޖީލާ ކުރިމަތި ކުރާ އެތައް ހާސް ސުވާލުތަކެއް. 

Print

އިސްލާމްދީން

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ

އެންމެ މަތިވެރި އެންމެ މާތް ދީނޭ މިއީ އިސްލާމްދީން

   އެންމެނަށް ހަމަހަމަކަމޭ ހޯދައިދިނީ އިސްލާމްދީން

އަޚުކަމެއް ޤާއިމްކުރެވި މާތް އުންމަތުގެ އަހުލުންތެރޭ

   ފަޚުރުވެރިވެރި އުންމަތް އެކަތިގަނޑަކަށް ހެދީ އިސްލާމްދީން

 

އަނދިރިކަން ޝިރުކާއި ޖާހިލުކަން ހިތުން ފުހެވޭ ގޮތުން

  މަދަދު ދެއްވާ މާތް ފޮތެއް އޮތް ދީނަކީ އިސްލާމްދީން

ހެޔޮނުބައި ވަކިކޮށް މިތާ ދުނިޔޭގެ އުނދަގޫ ދަތުރުގާ

   ހެޔޮމަގަށް ތަޢުފީޤު ދެއްވާ ދީނަކީ އިސްލާމްދީން

 

Print

ޤައުމެއްގެ މިނިވަންކަން ދެމެހެއްޓުމަށް އެންމެ މުހިންމީ އިޤްތިޞާދީ ފުދުންތެރިކަމެވެ.

ޝާޢިއުކުރީ ނަންނި . ހިމެނޭބަޔަކީ އިޖުތިމާޢީ

 

"މިނިވަން ކަމުގެ އަގުވަޒަން ކުރެވޭނީ އަޅުވެތި ކަމުގެ ހިތިރަހަ ތަޖުރިބާ ކުރި މީހަކަށެވެ". މިއީ ވަރަށް ބޮޑު ޙަޤީޤަތެކެވެ. ދިވެހިރާއްޖެ މިވަނީ އަޅުވެތި ކަމުގެ ހިތިރަހަ ދެކެފައެވެ. ހަމައެއާއެކު މިނިވަންކަމަކީ ކިހާވަރެއްގެ ކަމެއްކަން މިއަދު އަޅުގަނޑުމެންނަށް އިޙުސާސް ކުރެވެމުން ދެއެވެ. އުފާވެރިކަމުގެ 50 އަހަރު ފުރާފުރިހަމަވިކަމުގެ ހިތްގައިމު އުފާތައް ދިވެހިންގެ ހިތްތަކުގައި ރަސްކަން ކުރަމުންދަނީއެވެ. ހުރިހާ ކަމެއް ހަނދާން ނައްތާލައި އުފާފާޅުކުރަމުން ދާއިރު ޤައުމެއްގެ މިނިވަންކަން ދެމެހެއްޓުމަށް އެންމެ މުހިއްމީ ކޮންކަންތައްތަކެއްތޯ އަމިއްލަ ނަފްސާ ސުވާލު ކޮށްލީ ކާކުތޯއެވެ؟ އެކަމާއިމެދު ފިކުރުކޮށް ވާހަކަ ދެއްކީ ކޮންޖަލްސާއެއްގައި ތޯއެވެ؟ ޝައްކެތް ނެތެވެ. މިނިވަންކަން ދެމެހެއްޓުމަށް އެންމެ މުހިއްމީ އިޤްތިޞާދީ ފުދުންތެރިކަމެވެ.

Print

ނޮވެމްބަރު ތިނަކަށް ނަޒަރެއް

ޝާޢިއުކުރީ ޝާފިޢު ޢަބްދުﷲ / ތިނަދޫގެ ހއ. ބާރަށް . ހިމެނޭބަޔަކީ ތާރީޚް

އާދެ އަޅުގަނޑުމެންގެ ޤައުމު ދުށް މަތިވެރި ލޮބުވެތި ބަތަލުންގެ އަޑު އަޅުގަނޑުމެންގެ ކަންފަތުން އަބަދާ އަބަދު ގުގުމައެވެ. އެކި ގޮތްގޮތުން ގައުމާއި ދީނާ ވަތަން ހަމައެއާއެކު ރައްޔިތުންގެ ހިމާޔަތުގައި އެތައް ބަތަލުނެއް އަޅުގަނޑުމެންގެ ގައުމު ވަނީ ދެކެފައެވެ. ދޮން ބަންޑާރައިންނާއި މުހައްމަދު ތަކުރުފާނާއި މިހެންގޮސް އެތައް ބޭކަލުންނެކެވެ. އެބައެއްގެ ވާހަކަ އަޅުގަނޑުމެން ދިވެހިން ހަނދާންކުރާނެ އެތައް ބަތަލުންނެއް ދިވެހި ގައުމުގެ ފަސްގަނޑުގެ ދަށުގައި ވިނަމަވެސް އަދިވެސް ދިރިތިބީންގެ ގޮތުގައިވާ އެތައް ޝަހީދުންނެއް އަޅުގަނޑުމެނާއެކު ވެއެވެ. ގައުމަށް ދިމާވާ ކޮންމެ ބޮޑު ކަމެއްގައި ޖާނާއި މާލުން ގުރުބާންވި އެތައް އަބްތާލުންނެއްގެ ޒިކުރާ އަޅުގަނޑުމެން ތާއަބަދު އާކުރާނަމެވެ.

Print

ކިތަންމެވަރަކަށް ކިޔެވިއަސް ފައިދާއެއް ނެތް!!

ޝާޢިއުކުރީ މޫސާ އަހުސަން ޝަރީފް / ސަމަންދަރު ގދ.ހޯނޑެއްދޫ . ހިމެނޭބަޔަކީ ތަޢުލީމާއި ތަރުބިޔަތު

ގައުމުގައި ކިޔަވައިގެން ތިބި ނޫކަށިފުރައިގެ ޒުވާނުނާއި ބޮޑުން އިތުރުވެއްޖެއެވެ. ކިޔަވާ ކުދިން ކިޔަވަމުންދަނީ ވަކިވަރެއް ބަލާފައެއް ނޫނެވެ. އެގާރަ ބާރަ ހަދަނީއެވެ. ޑިޕްލޮމާއާއި ޑިގްރީވެސް ހަދަނީއެވެ. ނޫންނަމަ އެއަށްވުރެވެސް މައްޗަށް ނުކިޔަވާ މީހަކު މިހާރު ދަނީ މަދުވަމުންނެވެ. އުސްތާޒުންނާއި ޑޮކްޓަރުން މިވަނީ އިންތިހާއަށް އިތުރުވާން ފަށާފައެވެ. ނަމަވެސް ކުރަނީ ކޮންފައިދާއެއް ހެއްޔެވެ. ކިޔެވުމުގެ ދާއިރާތަށް ނުހަނު ގިނައެވެ. ކިޔަވަނީ ހުރިހާކަމެއް ހިމނޭ ވަށައިޖެހޭ ތައުލީމެއްގެތެރެއިންނެވެ.

ތެދެކެވެ. ކިޔަވައިގެން ކުރަނީ ކޮންފައިދާއެއްހެއްޔޭ ބުނުމުން ވަރަށްގިނަ ބައެއްގެ ދެބުމަ ގޮށްޖެހިދާނެވެ. އެހެންނަމަވެސް ތެދު ހަގީގަތް ލިއުމަކުން ހާމަކުރަމާތޯއެވެ. އެއްވެސް ހާލެއްގައި މިދަނަނަވަނީ ހުރިހާ ބޭފުޅުންގެ ވާހަކައެއް ނޫނެވެ. ނަމަވެސް އަޅުގަނޑުމެންގެ ތެރެއިން ކިޔަވައިގެންތިބި ގިނަބައެއްގެ ވާހަކައެވެ. ގިނަ ބައެއްގެ އަމަލުތައް ހުރިގޮތުގެ ވާހަކައެވެ. އެންމެ ތުއްތުއިރު ނާސަރީގައި '' ކުދި ކުދި ކަރުދާސް، ކުދިކުދި ކަރުދާސް '' ހޮވާނެގީމެވެ. ރަނގަޅު ކަންތައްތަކެއް ދަސްކުރީމެވެ. އެންމެ ސާފުތާހިރު ކުލާސް ރޫމު ކަމުގެ ވަނަ ހޯދުމަށްވެސް އެތައް ބައިވަރު މަސައްކަތެއް ކުރީމެވެ. އަޅުގަނޑުމެނެވެ. މިދަންނަވާ ހުރިހާ ބޭފުޅުންވެސް މެއެވެ.

Print

އަދިވެސް ވެއިޓަރުންނާ ބެހޭނަންތަ؟؟

ޝާޢިއުކުރީ ޝާފިޢު ޢަބްދުﷲ / ތިނަދޫގެ ހއ. ބާރަށް . ހިމެނޭބަޔަކީ އިޖުތިމާޢީ

ވެއިޓަރުންނާ އަދިވެސް ބެހޭނަންތަ؟؟ މަދު މީހަކަށް ފިޔަވައި އެނގިފައި ނުވެދާނެވެ. ޒަމާންވީ ވާހަކައެކެވެ. ނަމަވެސް ބަނޑޭރި ހަސަންމަނިކުފާނުގެ ދިޔޯގެ ރައިވަރުގެ ވާހަކައެއް ނޫނެވެ. އަޅުގަޑުމެން ދިވެހިންގެ ތެރެއިން ގިނަ ބަޔަކު މިވާހަކައިގެ ތެރޭގައި ޝާމިލުވާނެ ވާހަކައެކެވެ. ފޮނި، ތުއި، ކިބުރުވެރި ޒުވާން ޖިންސުއްލަތީފުންނާއި ހުރިހައި އުމުރުފުރާއެއްގެ މީހުންގެ ވާހަކައެވެ. މިއަދުގެ މުޖްތަމައުގައި ހޮޓާތަކާއި ރެސްޓޯރެންޓްތަކުންނޫނީ އެއްފަރުވެސް ކޭން ނުބެއްލެވޭ ފަރާތްތަކުގެ ވާހަކައެވެ. އަޑުއަހާނަންހެއްޔެވެ؟ އާއެކެވެ.

މިއަދު މިވަނީ ބޭރުން ކެއުން އާންމުވެފައެވެ. މޭރީ ބުރައުން އާއި ޑައިންމޯ އަދި ލެމަން ގްރާސް އާއި ޅިއަނު ކަޑަ ނޫންނަމަ މިނޫންވެސް ކެފޭ ތަކާއި ހޮޓާތަކާއި ރެސްޓޯރެންޓް ތަކުގެ ކާނާ މިއަދު ކޮންމެހެން ކާންޖެހޭކަހަލައެވެ. މީރެވެ. ވަސްވެސް ރަނގަޅެވެ. ނަމަވެސް ހިތާމަކުރަންޖެހޭ ކަންތައްތަކެއް ހުރެދާނެއެވެ. ދިވެހިންގެ ވާހަކައެވެ. ނަމަވެސް ހަގީގަތް ފޮރުވައިގެން ހުރުމަކީ އަނގަ ކަހާ މީހަކަށް އެހާ ފަސޭހަކަމަކަށް ނުވެދާނެވެ.

Print

އެޅުނު ކަތި ފިޔަވަޅުން

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ

މަސްތުވެ ވަބާގައި ޖެހެވިގެން، މަގުއޮޅި ދެދުނިޔޭން ގެއްލިގެން،

  އަސްތާ! މަގޭ ނިކަމެތިވެގެން، މިދަނީ އެޅުނު ކަތި ފިޔަވަޅުން

ހެއްލެވި ޒަމާނުގެ ދަޅަތަކަށް، ލެނބި ހިތް އެމަސްތީ ލައްޒަތަށް

  ގެއްލުނު ޢަބުރު ފުން ކަނޑުތެރަށް، އެދުވަހު އެޅުނު ކަތި ފިޔަވަަޅުން

އޭރުގަ މަގޭ ގާތް އެކުވެރިން، ދިންހާ ނަޞޭޙަތް އަނބި ދަރީން

  އޭރުގަ އެއަޑު ނާހާ ރުޅީން، ދެވުނީ އެޅުނު ކަތި ފިޔަވަޅުން

Print

މިނިވަނެއް ނޫން ހޭ މި ގޮތް މާ؟

ޝާޢިއުކުރީ އާދަމް ނަޞީރު އިބްރާހީމް . ހިމެނޭބަޔަކީ ވަޒަންބަހުރުވަ

އާދަމް ނަޞީރު އިބްރާހީމް (2012)


ފިނި ވަޔާ އެކު ފަޖުރު ލީމާ، ފޮނި ނިދިން ލޯ ހުޅުވިލީމާ
    ތުނި ހިތުން ޙަމްދަށް ފެށީމާ، މިނިވަނެއް ނޫން ހޭ މި ގޮތް  މާ

ދޫނިތައް ފަދައިން އުދުހިދާ، ދޫނުކޮށް ހެޔޮ ރިޒުޤު ހޯދާ
    މޫނުތައް ލޯބިން ވިދަވިދާ،    މިނިވަނެއް ނޫން ހޭ މި ގޮތް މާ

Print

ހުރުން - ހުރުން

ޝާޢިއުކުރީ އަޙުމަދު މަޢުޞޫމް، ފެންފިޔާޒުގެ، ހއ. ވަށަފަރު . ހިމެނޭބަޔަކީ މާދަރީބަސް

ދިވެހި ބަހުގެ ހަމަތަކުގައި ހިމެނޭނޭ އިނުން އޮތުން ހުރުން- ހުރުން

        މި ވެށީގައި  އެހެނަސްވެސް ބުނެދޭނީ  ތަފްޞީލަށް ހުރުން- ހުރުން

ފިރިހެނެކޭ ދޮންބެ އެއީ ކިޔަވަންގޮސް ދޮންބެ ހުރީ މާލޭގައި

        ފިރިހެނުން  ހުންނަހުރުން ބުނެދޭނީ   ލަފުޒުންނޭ  ހުރުން- ހުރުން

Print

މަސްވެރިވި އަންހެނުން

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ

"މަސްވެރިންނޭ" ބުނެލުމުން، ހިވޭ އެއީ ހުސް ފިރެހެނުން

   "މަސްވެރިންނީ" އަސްލުގައި ،ހީވާގި މިއުޅޭ އަންހެނުން

ކޮންމެ ރެއަކުމެ ފަޖުރުތަރި އެރުމާއެކީ ހަމަ އާދައިން

   ކޮއްތުތަށި ތައްޔާރުކޮށް ފަގެނެސްދެނީ ދެނީ ބަލަ އަންހެނުން

ގޮސް ތިބޭނޭ ގޮޑުދޮށަށް، އޮޑިގޮސް އޮބާލާންދެން ބަލަން

   އޮއްސުނަސް އިރު އޮޑި ލަފާތޯ އަތިރިއަށް ދޭ އަންހެނުން

ހައްސަބައިގެން ދިދަޖަހާ، އޮޑިތައް ނެރުން ވަނުމާއެކީ

    އަސްތަ! ފަރިވަޅުތައް ހިފައިގެން އަންނަނީވެސް އަންހެނުން

Print

އޭ މާލާ!

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ

އުންމީދު އެތަކެއް ކުރެވުނޭ، އެކުގާ އުޅެން ބުނުމުން މަލާ

    އުންމީދު ފުޑުފުޑުވީ މަގޭ، ދޫކޮށް އެދުހު ދިޔުމުން މަލާ

ގަހުގައި ތިމާ ފޮޅިފާވިއަސް، ފިޔަ މޯޅިވުން އަދިވޭ މިލާ

    ގަހުގައި ތިހެން އުމުރަށް އިނުން، ނުވެއޭ ތަބީޢަތުގާ މަލާ

ޖެހެމުންއެދާ ވައި ރޯޅިތައް، ގަދަވާނެކަން ވިސްނާ ބަލާ

     ޖެހުމުން ތަނޑީގާ ރޯޅިތައް، ފިޔަ ރޫޅިގެން ދާނޭ މަލާ

Print

ހައްދުންމަތީ އިސްދޫ މީހުންގެ އުވަ ދެވުން

ޝާޢިއުކުރީ އިބްރާހީމް ޙަމީދު . ހިމެނޭބަޔަކީ ތާރީޚް

ހައްދުންމަތީ އިސްދޫގެ ދުވަސްވީ ކާބަފައިންނަކީ، އެވޭލާ ޒަމާނުއްސުރެ ދިރިއުޅުމަށްޓަކައި ތަފާތު އެކިއެކި މަސައްކަތްތައް ކުރަމުން އައި ބައެކެވެ. އަމިއްލަ އަތުންފައިން ކުރެވެންހުރިނަމަ ހުރި، ހުރިހާ މަސައްކަތެއް އަމިއްލައަށް ކޮށްގެން ދިރިއުޅުން ފުރިހަމަ ކުރަމުން އައި ހީވާގި، ކެރޭ، މުރާލި، ހިއްވަރުގަދަ ބައެކެވެ. ރަށްވަންތަކަމާއި، އަތޮޅުވަންތަކަމުގެ ފުންލޯބި ހިތުގައި އޮވެގެން ޢުމްރާނީ ތަރައްޤީގެ އަރުތަ ހޯދުމަށް މަސައްކަތް ކުރަމުން އައި ބައެކެވެ. މިކަންކަމުގެ ދިރިހުރި ހެކި، އަދި އަދަށް ދާންދެންވެސް ހައްދުންމަތީ އިސްދޫގެ މީހުން ދިރިއުޅޭ ސަރަޙައްދުން ފެންނަން އެބަހުއްޓެވެ. އެއަގުހުރި ކާބަފައިން އިޚްތިޔާރުކުރި މަސައްކަތްތަކުގެ ތެރެއިން މި ލިޔުން މެދުވެރިކޮށް ބަޔާންކޮށް ދެވޭތޯ މިބަލަނީ ހައްދުންމަތީ އިސްދޫގައި އުވަދެވުމުގެ މަސައްކަތް ކުރަމުންއައި ގޮތެވެ.

Print

އެޑިޓަރު މަސްއޫލިއްޔަތު އަދާކުރަން ޖެހޭބާ؟

ޝާޢިއުކުރީ އުބައިދު . ހިމެނޭބަޔަކީ މާދަރީބަސް

އަޅުގަނޑުމެން ސްކޫލުގައިކިޔެވީ މީގެ 15 ވަރަކަށް އަހަރު ކުރިންނެވެ. އޭރު ދިވެހިބަސް ކިޔަވާ ދިނުމަށް ބޭނުން ކުރި ފޮތް ބައި ރަގަޅަށް އަޅުގަޑުމެން ވެސް އޭރު ދަސްކުރީމެވެ. އަދި ދޭހަޔާ މަޒުމޫނާ ސިޓީ އާއި ޅެންވެރިންނާ ދަސްކުރީމެވެ. ބަޑޭރިހަސަން މަނިކާއި ނައިބު ތުއްތުގެ ތާރީޚުތަކާއި ދިޔޯގެ ރައިވަރުވެސް ކިޔަވާ ދިނެވެ. ނަމަވެސް ދަންނަ ވަންތޯއެވެ. ސުކޫލު ނިންމާލި އިރު ރަގަޅަށް ތާނަވެސް ލިޔަން އެގެނީ މަދު ކުއްޖަކަށެވެ. އައްޑިހައިގެ ފަހުކޮޅުން ފެށިގެން މިއަދާ ޖެހެން ދެންވެސް އެންމެން މެ މިދައްކަނީ އެއް ވާހަކައެކެވެ. އިމްތިހާނުން ގިނަ ކުދިން ދިވެހި މާއްދާއިން ވަނީ ފެއިލްއެވެ. ދިވެހި މާއްދާ ކުދިން ކިޔަވާ ހިންނުވާ ވާހަކައެވެ. ދިވެހި އިމްތިހާނުގެ ޕޭޕަރު ރަގަޅުނޫން ވާހަކައެވެ. ދިވެހިން ދިވެހި ކުދިން ފާސްވާ ނިސްބަތްދަށްވާ ވާހަކައެވެ.

Print

ސަންތި މަރިޔަނބު (ދަތްތަކަށް ޚާއްޞަ)

ޝާޢިއުކުރީ އިއްޒާ އަހުމަދު ނިޒާރު . ހިމެނޭބަޔަކީ ވަޒަންބަހުރުވަ


މާފުށްކައިގެން މިތުރުން ދަތްތައް ހުދު ހަޑިކޮށްގެން

  އެރޭ ނިދަން ދެމިތުރުނޭ ގެޔަށް ދިޔާ އަދިރިވުމުން             

ގެއަށް ނިދާން ނުދާންވެގެން އަނގަ ގަދަ މިތުރޭ އެދިޔާ

  ގެއަށްވުރެން ފިނިވާނޭ ކިޔާ އަތިރި ހޮޅުއަށްޓާށް

އިސާހިތަކު އޮށޯތްތަނާ އަނގަ ގަދަ މިތުރަށް ނިދުނޯ

  އެހިނދު މިތުރު ގުގުރިދަމަން ފެށީ އަޑުގެ ނެތްތަނަށޯ 

ކުއްލިއަކަށް މާގަދަ އަޑު ފަށްގަޑެކޭ އިވެންފެށީ

  ތަންގަނޑު މުޅި އަލިވެގެނޭ އަލިފާން ކަނި ބުރަން ފެށީ

އިދާރާ

އެނގޭތަ؟

ވާހަކަ