އަލްއުސްތާޛުލްމަރުޙޫމު މުޙަންމަދު ޖަމީލު (1973)
އާދެ! ޢުމުރުން މިވީހައިތައް ދުވަހު، ނުގަންނަވަރުގެ ބިރެއް މިއަދު ގަންނަން ޖެހިއްޖެއެވެ. ދުވަހަކު ނުސިހޭވަރުގެ ސިހުމެއް ސިހޭން ޖެހިއްޖެއެވެ.
ވަރަށް ޅަޢުމުރުގައި އުންމުއް ސިބުޔާނޭ ކިޔާ އެއްޗެއް ފެނިގެން ބިރުން ސިހިގެން އުޅުނު ވާހަކަ ބައެއް މުސްކުޅީން ބުނާތީ އަހަމެވެ. ނަމަވެސް ހަނދާން ހުންނަ ވަރަށްވުރެން ޅަޢުމުރުގެ ކަމަކަށްވާތީ، އެކަން ހަނދާނެއް ނެތެވެ. ބިރުގަތްކަމެއް، ގަތްބިރެއް ހަނދާނެއް ނެތެވެ. ނަމަވެސް މިއަދު.... އާދެ! މިއަދު.... މުސްކުޅީންނާ ޒުވާނުންގެ ބިރެކެވެ. މާބަނޑު އަންހެނަކުނަމަ، ބަނޑުއޮތްދަރި، ބައިގެންދާ ވަރުގެ ބިރެކެވެ. ކިރުމަޔަކުނަމަ، ކިރުބޯ ޅަދަރީންގެ މަތީން ހަނދުމަ ނައްތާފަދަ ބިރެކެވެ.