ދިވެހި މުސްލިމުންނޭވެ ، ހޭވެރިވެ ތިބޭށެވެ.

އަޙުމަދު ޝަމީނު ދޮންމަނިކު


މިތާއޮތް ޙައްޤު ދީނީ އާދެ "عند الله..."  އަލްއިސްލާމް،
         ހިތާއަތް ނުރުހިގެން މިކަމާ އެނަޞްރާނީންގެ މޭކަރަނީ

ސަމާޙަތްތެރި މިދީނުގެ ސޫރަޔާ ކުޅެ ސިފަ ހުތުރުކަމަށް،
         އަމާނެއް ނެތްގޮތެއްގައި މަންޒަރާ އަޑުތައް ގެނެސްދެވެނީ

މަނާހިޖު އާދެ! ތަޢުލީމީ ޒަމާނަށް ފެއްތުމަށް ގޮވަމުން،
         ބިނާވީ ރީތި އަޚުލާޤީ ފަނާރުގެ ހުޅުކޮޅޭ ނިވަނީ

މަދަރުސާ ހަސްފަތާލުތަކާ އަސާސީ އެހެނިހެން ޚިދުމަތް
        މަދަދު ކުލުނާއި ރަޙުމުން ކުރެވިގެން ގިރިޓީ އެއޮއް ދެވެނީ

މުސީބާތުގެ ވަގުތުތަކުގައި "އެހީތައް މާތްވި ފޮތުގައިވީ"،
        ވެސީދާ އަތްތަކަށް ނިކަމެތި އެހިތްތައް ދެން އެ ލޮއްސުވަނީ

ރަޙުމު އޮތް ޤައުމުގައި ނެތިކޮށް، ޢަޤީދާ މަހުމުގައި ކުށްކޮށް،
        ގަހުގެވެރިޔާ އަތުން ގަސް ކެނޑުވުމަށް، މުސްތަޝްރިޤުން ހޮވެނީ

މިބައިގަނޑު ޤައުމުގައި އެކިވަރުވަރުން ފިތުނައިގެ އޮށް އިންދާ
        ނުބައިން ނުބަޔަށް، ނިމުންނެތް ގިނަ ޚިލާފުތަކެއް އެތިބަ ރުވަނީ

މިއާއެކު ބަޔަކު ތެދުވާ އިރު "ލިބޭންއޮތް ޙައްޤުތައް" ހޯދަން
        ހިޔާ ދީނީ ލިބޭ ޝަރުޢީ ނިޒާމުން ދެން މި ބޭރުވަނީ