އަންހެނުންގެ ސިފަތައް
ތަރުޖަމާ: އަލްއުސްތާޛު އިބްރާހީމު ރަޝީދު މޫސާ
އަންހެނުންގެ ރީތިކަން ބެހެނީ ތިން ބަޔަކަށެވެ. އެއީ
1- ފިރިހެނާގެ ހިތަށް ފެންނަ ރީތިކަން
2- ފިރިހެނާގެ ލޮލަށް ފެންނަ ރީތިކަން
3- ޒީނަތްތެރިވުމަށާއި ހަށިގަނޑަށް އަޅައިލުމަށް އަންހެނާ ދޭ އަހައްމިއްޔަތުގެ ސަބަބުން އުނިއިތުރުވާ ރީތިކަން
އަންހެނުންގެ ހިތްތައް ބެހެނީ ތިން ބަޔަކަށެވެ. އެއީ
1- ފިރިހެނާގެ ސިކުނޑި އަށް ހިތްކިޔާ އަންހެނާ
2- ފިރިހެނާގެ ޖީބަށް ހިތްކިޔާ އަންހެނާ
3- ފިރިހެނަކަށް ވާތީ ހިތްކިޔާ އަންހެނާ
އަންހެނުންގެ ސިކުނޑިތައް ބެހެނީ ހަތަރު ބަޔަކަށެވެ. އެއީ
1- ވިސްނާ ފިކްރުކޮށް ޢަމަލުކުރާ ސިކުނޑިތައް
2- ވިސްނާފިކްރުކޮށް ޢަމަލު ނުކުރާ ސިކުނޑިތައް
3- ފިކްރު ނުކުރާ ޢަމަލުކުރާ ސިކުނޑިތައް
4- ފިކްރު ނުކުރާ ޢަމަލު ނުކުރާ ސިކުނޑިތައް
ޢުމުރުން ދުވަސްވެފައިވާ ނަމަވެސް އޭނާގެ ރީތިކަމާއި ލޫޅާފަތިކަމާއި ބަނިޔާދަންކަން މަތީގައި އިން އަންހެނާ ސުވާލުކުރެވުނެވެ. ތިބާ އަށް ތިޔަ ރީތިކަންމަތީ ތިޔަ އިނދެވުނީ ކޮންކަހަލަ ރީތިވާ އެއްޗެހިތަކެއް ބޭނުންކޮށްގެންހެއްޔެވެ؟ އެ އަންހެނާ ޖަވާބުގައި ބުންޏެވެ.
• އަހަރެންގެ ތުންފަތަށް ބޭނުންކުރަނީ ތެދުވެރިކަމާއި ޙައްޤެވެ.
• އަހެރެންގެ އަޑަށް ބޭނުންކުރަނީ ދުޢާއާއި ޛިކްރެވެ.
• އަހަރެންގެ ލޮލަށްޓަކައި އޯގާތެރިކަމާއި ކުލުނުވެރިކަމެވެ.
• އަހަރެންގެ އަތަށްޓަކައި އިޙްސާންތެރިކަމެވެ.
• އަހަރެންގެ ބައިމައްޗަށްޓަކައި ތެދަށްހުރުމެވެ.
• އަހަރެންގެ ހިތަށްޓަކައި ލޯތްބެވެ.