މުސްލިމު ސައިންސް ދާން - 27
حَكِيْمُ أَبُومُحَمَّدُ اَلْعَْدْلِي اَلْقَايِنِي
377/995
އަޙްމަދު ފަހުމީ
ތަޢާރުފު މީނާ އަކީ، ފަލަކީ ޢިލްމާއި ޢިމާރާތް ކުރުމުގެ ފަންނަށް މޮޅު ބޭފުޅެކެވެ. އަދި އޭނާ އަކީ، ހިސާބު ޢިލްމުގެ ތެރެއިން ޢިލްމުލް މަސާޙަތު ގެ ވެސް މާހިރެކެވެ.
ޙަޔާތުގެ ކުރީކޮޅާއި ތަޢުލީމާއި ތަރުބިޔަތު
މީނާގެ ހަޔާތުގެ ކުރީކޮޅާ ބެހޭ އެއްވެސް މަޢުލޫމާތެއް ސާފުވާކަށެއް ނެތެވެ.
މީނާ އަކީ، މުޙައްމަދު ބިން ޖާބިރު އަލް ބަންނާނީ ގެ ޒަމާނުގެ ބޭފުޅެކެވެ. އަލް ބަންނާނީއާ އެކީގައި އަލް ޤާޔިނީ ވެސް މަސައްކަތް ކުރައްވާފައި ވެ އެވެ. އޮބްޒަވާޓްރީއެއް ބިނާ ކުރުމުގައި އަލް ޤާޔިނީ ވެސް ވަރަށް ގިނަ ތަކެތި އުފައްދަވާފައި ވާ ކަމުގައި ވެ އެވެ. މި އޮބްޒާވާޓްރީ އަކީ، ބަޣްދާދުގެ ސަރުކާރުން ބިނާކުރި ޝާހީ އޮބްޒާވާޓުރީއަށް ފަހު އެންމެ ފުރިހަމަ އޮބްޒާވާޓުރީކަމުގައި ބެލެވިފައި ވެ އެވެ.
حَكِيْمُ اَلْقَايِنِي އަކީ، ހިސާބު ޢިލްމުގެ ޢިލްމުލް މަސާޙާ ގައި ވަރަށް މޮޅު ބޭފުޅެކެވެ. އޭނާ މި ޢިލްމުގެ މައްޗަށް ފޮތެއް ލިޔުއްވާފައި ވެ އެވެ. މިއީ މި ޢިލްމުގައި ފުރަތަމަ ފޮތް ކަމުގައި ބެލެވެ އެވެ. މީނާ އަކީ، ހިސާބު ޢިލްމުވެރިންގެ ލިސްޓުގައި ތިންވަނައަށް އަންނަ ޢިލްމު ވެރިޔާ އެވެ.
-------------
(ނިމުނީ)
މި ލިޔުން؛
ޓައިޕުކުރުން: އައްޝައިޚް އަޙްމަދު ފަހުމީ
އަލުން ބެލުން: އާދަމް ނަޞީރު އިބްރާހީމް
ޝާއިޢު ކުރުން: '' ''