ބިންމާ އިބްރާހިމް ވަހީދު
(22 ސެޕްޓެމްބަރ 2011 ގުޅޭ)
ފޮށިތައް ހިފައިގެން އެ މީހުން ހިނގައިގަތެވެ. މޫސަމެންވެސް ހިނގައިގަތެވެ. މޫސަ ހުރީ ލެޕްޓޮޕް ކޮޑުގައި އަޅުވައިގެންނެވެ. އަދި، ހިނގުމުގައި ކުޑަކޮށް ކޮރުޖަހަމުން ގެންދިޔަ އެވެ.
"ދޭންވީނު މަގޭ އަތަށް؟" ނައީމްބެ ބުންޏެވެ.
މޫސަ ލެޕްޓޮޕް ދިނެވެ. އަދި ޝުކުރު ވެސް އަދާކުރިއެވެ. މާލެއާ ޚިލާފަށް، ރަށުގެ މާހައުލު އަޑު މަޑުވެފައި، ރޯޅިތައް ނަލައެވެ.
ޢަބްދުލްމުޢީދު ޙަސަން
މާތް ﷲ ސުބްޙާނަހޫ ވަތަޢާލާ، ކީރިތި ރަސޫލާ (ޞައްލަ ﷲ ޢަލައިހި ވަސައްލަމަ) އަށް ދެއްވި ދެމިހުންނަނިވި މުޢުޖިޒާތަކީ، ކީރިތި ޤުރުއާނެވެ. ކީއްތޯއެވެ. ޖިންނީންނާއި އިންސީންނަށް ގެނެސް ނުގަނެވޭނެ އެތައް އިޢުޖާޒެއް އެކަލާނގެ، އެ ފޮތުގައި ލައްވާފައިވެއެވެ. އެކަން ބަޔާންކުރައްވައި ވަޙީކުރައްވާފައި ވެ އެވެ.
(قُل لَّئِنِ اجْتَمَعَتِ الإِنسُ وَالْجِنُّ عَلَى أَن يَأْتُواْ بِمِثْلِ هَذَا الْقُرْآنِ لاَ يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا) އަލްއިސްރާ: 88
މާނައީ، "ކަލޭގެފާނު ވިދާޅުވާށެވެ! ހަމަކަށަވަރުން، މި ޤުރުއާނާ އެއްފަދަ އެއްޗެއް ގެނައުމަށް އިންސީންނާއި، ޖިންނީން އެއްވިނަމަވެސް، އެއާ އެއްފަދަ އެއްޗެއް އެއުރެންނަކަށް ނުގެނެވޭނެތެވެ. އެއުރެންގެ އެއްބަޔަކު އަނެއް ބަޔަކަށް ވާގިވެރިން ކަމުގައި ވީނަމަވެސްމެ އެވެ."
ގައްދޫ މުޙަންމަދު ރަޝީދު
[ނުކެރެންވީ ކީއްވެގެން ހެއްޔެވެ. ބުނަން ޖެހޭނެއެވެ.]
[ކޮންމެވެސް އެހެން ވާހަކައެއް ދައްކަވާށެވެ.]
[ކަމާނުބެހޭ ވާހަކަ ދައްކަން ވަރަށްގިނަ ވަގުތު އެބައޮތެވެ.]
[ޝަވާލީއަކީ ވަރަށްމަޖާ ބޭކަނބަލެކެވެ.]
[ވާހަކައިގެ މިޞްރާބު ބުދަލުކުރަން ނޫޅޭށެވެ.]
[އެންމެ ރަނގަޅެވެ. ރަނގަޅަށް ވާހަކަ ދެކެވޭނީ މިގެއަށް ދުރުވީމާ ނޫންތޯއެވެ.]
އާދަމް ނަޞީރު އިބްރާހީމް (2011)
ދަތުރު ކޮށްފައި ދާ ދޯންޏެއް ކަނޑިންމަޔަކުން ނުވަތަ ނެރަކުން ވަދެގެން ދާ އިރު، އެ ދޯނީގެ ދިރުނބާކޮޅުގައި އާންމުކޮށް މީހަކު ހުންނާނެ އެވެ. އޭނާގެ ވަޒީފާއަކީ، ރައްކާތެރިކަމާއެކު ދޯންޏަށް ދެވޭނެ މަގު ދައްކައި ދިނުމެވެ. އެހެން އޮޑިއަކާ ދިމާޔަށް، ދާ އިރު އެވެ. ތިލަ ތަނަކާ ދިމާ ވާ ހިނދު އެވެ. ނުވަތަ ގަލަކާ ދިޔާމަށް ދޯނީގެ މިސްރާބު ޖެހިފައިވާ ހާލަތުގަ އެވެ. މި ފަދަ ދަނޑިވަޅުތަކުގައި ކޮޅުފަސްކޮޅުގައި ހުންގާނުގައި ހުންނަ މީހާއަށް އެކަން އަންގައި އޮޑި ސަލާމަތް ކުރުމަކީ ދިރުނބާކޮޅު ފެންފިލައިގައި ހުންނަ މީހަކު ކުރަންޖެހޭ ކަމެކެވެ. މި އެންގުން އެންގުމަށް ގަލަށް ކިޔުމޭ ކިޔައެވެ. އަދި މި އެންގުން އަންގަން ދިރުނބާކޮޅުގައި ހުންނަ މީހާއަށް ގަލަށް ކިޔާމީހާއޭ ކިޔައި އުޅެ އެވެ. ބަސްނުވިކޭ އޮޑީގެ ދިރުނބާކޮޅަށް ނާރާށޭ ބުނެ އެ ދެވޭ ނަސޭހަތް ރައްދުވާ މީހަކީ ގަލަށް ކިޔަން އަރާ މީހާ އެވެ.