ބިމުގެ އެނބުރުން މަޑުވުން
މުޙަންމަދު ޝުޖާޢު ޢަބްދުއްރަޙީމު
ފުރަތަމަ މިކައުނު އުފެދުނީ އެއް ގެލެކްސީއަކުން ނުވަތަ އެކަތިގަނޑެއްގެ ގޮތުގައިވާ އެއްޗެއް ގޮވައިގެންނެވެ. އިރުތަކާއި ޕްލެނެޓްތައް އަދި ތަރިތައް އުފެދުނީ މިގޮތަށެވެ. އަދި މުސްތަޤްބަލުގައި މިހުރިހާ އެއްޗެއް އެކުވެ، އަލުން އެކަތިގަނޑަކަށް ވާނެއެވެ. އަދި ދެވަނަ ފަހަރަށް އަލުން އެގޮވާ، މި ބިން ނޫން އެހެން ބިމަކާއި މިއުޑުތައް ނޫން އެހެން އުޑުތަކެއް އުފައްދަވާނެއެވެ. މިއީ ކައުނީ ޢިލްމުވެރިން ވިހިވަނަ ޤަރްނުގެ ފަހުކޮޅު ކޮށްފައިވާ ތަޞައްވުރެކެވެ. މިއީ ޙަޤީޤަތެއްކަން އަހަރެމެން މުސްލިމުން ޤަބޫލުކުރަން ޖެހެނީ މިކަމަށް ޤުރްއާނުގައި އިޝާރާތް ކުރައްވާފައިވާތީއެވެ.