ގައްދޫ މުޙަންމަދު ރަޝީދު
15 ޖޫން ( ހުކުރު ) އާ ގުޅޭ..
ނާޖިޔާ ބުމައަށް ގޮތެއް ހަދާލާފައި މަލާމާތުގެ ގޮތަކަށް ބަލާލިއެވެ. އަދި ބުންޏެވެ. [ދޮގެކެވެ.........]
ޖަލާލީ އޭނާގެ ބަސްމެދުކަނޑާލާފައި ބުންޏެވެ. [ޖަޔާއެވެ. އަހަންނަކީ އަބަދުވެސް ތެދުބަސް ބުނާ މީހަކީމެވެ.]
މިފަހަރު އޭނާގެ އަޑުގައިވާ ހަރުކަށިކަމުގެ ސަބަބުން ޖަޔާގެ މުޅި ހަށިގަނޑު ތުރުތުރު އަޅައިގަތެވެ. އެހެން ނަމަވެސް ގޮތްދޫނުކުރުމުގެ ގޮތުން ބުންޏެވެ. [އަޅުގަނޑު އެގެއަށް ދާނަމެވެ.... މިގޭގައި އަޅުގަނޑު ހުރުމަކަށް މަޖުބޫރެއް ނުކުރެއްވެވޭނެއެވެ.]
ޖަލާލީ ގޮނޑިން ތެދުވަމުން އިންތިހާއަށް ރުޅިއައިސްފައި ބުންޏެވެ. [މަޖުބޫރު ކުރެވިދާނެއެވެ.]