އިބްރާހީމް ރަޝީދު މޫސާ

(2020 މެއި 1 ވަނަ (ވީ ހުކުރު) ދުވަހު ޝާއިޢުކުރެވުނު ބަޔާ ގުޅޭ)

62. ޖިބްރީލުގެފާނު ވިދާޅުވިއެވެ: ޚަދީޖަތުގެފާނު ކަލޭގެފާނުގެ އަރިހަށް އެބަ ވަޑައިގަންނަވައެވެ. އެ ކަމަނާ ވަޑައިގަތުމުން އެ ކަމަނާގެ ވެރިރަސްކަލާނގެ ޙަޟްރަތުންނާއި އަޅުގަނޑުގެ ފަރާތުން އެކަމަނާއަށް ސަލާމް ވިދާޅުވެދެއްވާށެވެ! " (متفق عليه). ޖިބްރީލުގެފާނު ރަސޫލާ ﷺ އަށް ދެންނެވިއެވެ. "بشِّرْ خديجةَ ببَيتٍ في الجنَّةِ مِن قَصَبٍ لا صَخَبَ فيه ولا نَصَبَ" (السلسلة الصحيحة ٧/١٦١٢ )- ("އެ ކަމަނާއަށް ޓަކައި ސުވަރުގޭގައި ރަންމުތުގެ ގަނޑުވަރެއް ހުރިކަމުގެ ހެޔޮ ޚަބަރު ޚަދީޖަތުގެފާނަށް ދެއްވާށެވެ! އެތާނގައި ހަލަބޮލިކަމެއް ވަރުބަލިކަމެއް ނެތެވެ.")