26 ވަނަ އަރަތުގެ އިނާމު
ޢަބްދުލްމުޢީދު ޙަސަން
މި އަރަތަށް ޖަވާބު ދެއްވުމުގައި ބައިވެރިވެ ވަޑައިގެންނެވި އެންމެހައި ބޭފުޅުންނަށް އިޚުލާޞްތެރި ޝުކުރު ދަންނަވަމެވެ.
މިއަރަތުގެ ރަނގަޅު ޖަވާބު ދިމާކުރައްވާ ބޭފުޅުންނަށް އެރުވުމަށް ހަމަޖެހިފައިވާ އިނާމުގައި، 10 ފަންގިފިލާއަށްވުރެ ތިރި ނޫން ޢިމާރާތެއް ހިމެނޭ ކަމަށް ވާނީ ދެންނެވިފަ އެވެ. އެ އިނާމަކީ، ތިރީގައި މިވާ ފޮޓޯއާއި ކުރެހުންތަކެވެ. މި ފޮޓޯއާއި ކުރެހުންތަކުގެ މަޞްދަރަކީ، ޢަރަބި އިންޖިނިއަރުންގެ ވެބްސައިޓެވެ. މި އިނާމަކީ، ތިޔަބޭފުޅުން ބައްލަވާ ހިތްޕުޅުވާނެ އިނާމެއް ކަމުގައި ވާނެ ކަމަށް އުންމީދު ކުރަމެވެ. ކުރެހުންތައް ވަނީ އޭގެ އަޞްލު ސައިޒަށްވުރެ ކުޑަކުރެވިފަ އެވެ. ތިޔަ ބޭފުޅުންގެ ކޮމްޕިއުޓަރުތަކަށް ސޭވްކޮށްލެއްވުމުން އޭގެ އަސްލު ސައިޒުގައި ފެނިވަޑައިގަންނަވާނެ އެވެ. ކުޑަކޮށްލަން ޖެހުނީ، ފަންވަތުގެ ޞަފުޙާއަށް ފެއްތުމަށްޓަކަ އެވެ.
އަރަތުގެ ޖަވާބު ދެއްވާ ބޭފުޅުންނަށް އެކިފަހަރު ދިނުމަށް ހަމަޖެހިފައިވަނީ، އެކި ކަހަލަ އިނާމެވެ. މީގެ ކުރިން ހުށަހެޅުނު އިނާމުތަކަކީ، ވެލާބިސް ވަޅަކާއި، ޖުވޭސް ކެފޭއިން ތަންދޫރީ ޗިކަން އަކާއި، ފޮތެކެވެ. އެއްވެސް ޝައްކެއްނެތް ގޮތުގައި މީގެ ތެރެއިން އެންމެ ފައިދާހުރި އިނާމަކީ، ފޮތެވެ. މި އިނާމުތައް ހުށަހެޅިފައިވަނީ، ތަރުތީބުން، 23، 24، 25، މި އަރަތްތަކަށެވެ.
ކުރިޔަށް ހުރި އަރަތްތަކަށް ވެސް އިނާމުތައް ކަނޑައެޅިފައިވެ އެވެ. އޭގެތެރޭގައި ވެބްސައިޓުތަކާއި، އީމަޖައްލާތަކާއި، ފޮތްތަކާއި، މަޖާ އިނާމުތައް ހިމެނެ އެވެ.
އަދިވެސް އެއްފަހަރު، އަރަތަށް ޖަވާބު ދެއްވި އެންމެހައި ބޭފުޅުންނަށް އިޚުލާޞްތެރި ޝުކުރު ދަންނަވަމެވެ.