ތަޢުޒިޔާ އާއި ހެޔޮ ދުޢާ

إنا لله وإنا إليه راجعون

ހިރިޔާ ސްކޫލުގެ ހީވާގި ޕްރިންސިޕަލް، ޢަލީ ނާޒިމާއި، ލޮބުވެތި ހަތަރު ދަރިވަރަކު، ވަރަށް ކުއްލި ގޮތެއްގައި މި ދުނިޔެ ދޫކުރި ހިތާމަވެރި ކާރިސާ އާ ގުޅިގެން، އެ މަރުޙޫމުންގެ އާއިލާތަކަށް ލިބުނު ހިތްދަތިކަމާއި ހިތާމައިގައި ނުހަނު  އިޙްތިރާމާ އެކު ފަންވަތް ބައިވެރިވަމު އެވެ. އެ އާއިލާތަކަށް ކެތްތެރިކަން ދެއްވާށި އެވެ! އަދި އެ މަރުޙޫމުންގެ ފުރާނަތަކަށް ސުވަރުގޭގެ ތަނަވަސް ނިޢުމަތް މިންވަރު ކުރައްވާށި އެވެ! ފަންވަތުގެ އިދާރީ މަސްއޫލުވެރިންނާއި، އެންމެހައި ލިޔުންތެރިންގެ އިޚްލާޞްތެރި ޝުޢޫރަކީ، ޚާލިޞް ދުޢާ އަކީ މި އެވެ.

        ކަރުނަޔާ ގިސްލުމުގެ މި ދުވަސް، ދެން އަލުން ނުމެ ދައްކަވާށި!
                ދަރުމަޔާ ހެޔޮ ރަޙްމަތާ   މަރުޙޫމުނަށް މާތް، ވެއްސަވާށި!
                                         
                                      
ލިޔުންކޮޅާއި، ޅެންބައިތު އެކުލަވައިލީ:

 
 އާދަމް ނަޞީރު އިބްރާހީމް
  (ފަންވަތުގެ މުޙައްރިރު)