ބޭނުމީ ކޮން އަދަދެއް؟
އަލްމަރުޙޫމު ޔޫސުފު މުޙަންމަދުފުޅު
1- ނުހަނު ހިތްގައިމު ހެދުމެއް ސައްތަ ރުފިޔާއަށް އަލަށް ލިބިދޭ
ނުހަނު ދޯހަޅި ފޮތީގެ ދެތިން ހެދުން މި އަގަށް އެކަނި ލިބިދޭ
2- ވި އަލި ކޯރާ ހަނޑޫ ބަސްތާއަކަށް ދުއިސައްތަ ހޭދަ ކުރާ
މި އަގު ދީފާ ފަޑަށްކަ ހަނޑޫ ދެ ބަސްތާ ނީލަމުން ލިބިދޭ
3- ރުކެއް މޮޅު އާރުލާ ހޯދަން އަތުންދާ ނަޤުދު ފައިސާއަށް
އެކެއްގެ އަތުން އެއަށް ވުރެ އާރު ދެރަ ތިންރުއް ކަނޑަށް ލިބިދޭ
4- ކުލައިގައި ފަރަގު ހުރި ވަރިބޯ ބޮޑެތި ވިހި ކާށި ދޭ އަގުގައި
ބަލައިލަން ރަނގަޅު ފެން ނުޖެހޭ ސަތޭކަ ދެކާށި ވެސް ލިބިދޭ
5- މަހެއް ތާޒާ ރަނގަޅު ވިއްކަން ބުނާ ދިހަ ބާރަ ރުފިޔާއަށް
އެހެން ތަނަކުން ފިލުނދު ތިން މަސް، ތިޔާގި ކަމާ އެކީ ލިބިދޭ
6- އެހާ މޮޅު މީރު ރަހަދޭ ތިން އަޑުބަ ހޯދޭނެ ލާރީގައި
ރިހާކުރު ކާފަ މާމާ ހަތް އަޑުބަ ގޭ ކުރިމަތިން ލިބިދޭ
7- މަސައްކަތްތެރި ހަތަރު މީހުން މަސައްކަތަކާ ގުޅެން ތިއްބާ
މަސައްކަތުގައި ނުލާހިކު ކަންފަސޭހަ ފަނަރަ ކުދީން ލިބިދޭ
8- ކަނޑަށް ގަދަ ފަދަ، ބަނޑަށް ގަދަ ތިން ހަތަރު ފަޅުވެރި ކުދިންތެރެއަށް،
ކަނޑަށް ބަލިކަށި ބަނޑަށް ދެރަ ދިހަ ޒުވާނުން ދަތުރަކަށް ލިބިދޭ
9- ޞަބުރުވެރިވީ ކެރޭ ހަތްދިހަ މުޖާހިދުނާ އެކީ ދާނޭ
ދަބަރު ހިތުގައިވި ހައްސަ ފަނަސް ކަތުން ހަނގުރާމައަށް ލިބިދޭ
10- ބަހާރުގެ މޫސުމެއް ގެންނަން އުޅޭ ހިޔަ ތެދުވެރީން ތިއްބާ
ދެ ހާހުން [ކަންމަރާ] ސޮހޮލުން އެ ޚިދުމަތްތެރި ދަނޑަށް ލިބިދޭ
11- ފަޅާ ކުރިތައް މަރާ ވިހަ ގަދަ، މަރާ ދެ އަތެއް ދުރަށް ލައިފައި
އަޅާ ބަތަކަށް މެ ރިހަ ހެޔޮވަރު ދޮޅަސް ދޫ ބަސް ކިޔަން ލިބިދޭ
12- އަދަދު ގިނަޔަސް، އެ ގިނަ އަދަދުން ފުރާނައި ފީ ހޮވައިލީމާ
މަދަދުވެރިވާނެ މަދު އަދަދެއް ނަފާކޮށްދޭ ރަނގަޅު ލިބިދޭ
-----------------