ދިރިއުޅުމުގެ ފަލްސަފާ
އާދަމް ނަޞީރު އިބްރާހީމް (11.04.2020)
ހަނަފަސް ހިމޭން ސަހަރާއެކޭ ދިރިއުޅުމަކީ
ފިނިފެންމަލުގެ ބުސްތާނެކޭ މި ޙަޔާތަކީ
ލޯބީގެ ދުނިޔެއަކަށް ތިބާ ގެއްލިއްޖެ ނަމަ،
ލޯބީގެ ޙާނަތެކޭ އެޔަށް ފަހު ވަގުތަކީ
ދަންވަރުގެ ކަޅުކަން ރޭގަނޑާއެކު އާދެޔޭ،
ރަން އަލިކަމެއް ދޭ ފެށުމެކޭ އާ ފަތިހަކީ
ހިނިތުންވަމުން އުދަވާ އިރެއް ފަދައޭ ޙަޔާތް
ދުނިޔޭގެ ދިރިއުޅުމުގެ މިއީޔެ މިސާލަކީ
ނޫކަނޑުތެރޭން ބަނދަރަށް ހެމުން ގޮސް ވަންނަނީ،
ޠޫފާނު ފޫއަޅުވާ ނަވޭ ރާޅާ އެކީ
ރޫޙާއި ކެރުމާ ހުރި ޒުވާނާ ކުރިމަތީ
ޠޫފާނުތައް ވެސް ބޯލަނބާލައެ އެކުއެކީ
ފަސްބައިތަކެއް ލުއި، އަތްތަކެއް ހެޔޮ ވާގިދޭ
އުސް އަޑިގުޑަން މި ޙަޔާތަކީ ދިރިއުޅުމަކީ
_____________________
ނޯޓު: މިއީ ޑޮކްޓަރ މުޙަންމަދު ޤުބާދު އަބޫ ބަކުރު އުރުދޫބަހުން ދިވެހިބަހަށް ތަރުޖަމާކުރައްވައިފައިވާ ޅެމެއް ދިވެހި ޅެންވަޒަނަށް ފައްތައިލާން ކުރެވިފައިވާ މަސައްކަތެކެވެ.