އަލުވި ބަކުން

ތުއްތު ކުދިންގެ ކާނާ

ބޭނުންވާތަކެތި

ޖުވައިރިޔާ ވަޖުދީ

1 އަލުވި ( ކުދިކޮށް ކޮށާފައި)
2 އިންޗީގެ ބަރަބޯކޮޅެއް ( ކުދިކޮށް ކޮށާފައި)
3 މޭޒުމަތީ ސަމުުސާ ރަތް ހަނޑޫ
1 މޭޒުމަތީ ސަމުސާ މުގު
1 މޭޒުމަތީ ސަމުސާ ހިމުން ކޮށް ކޮށާފައި ހުރި ރޯމަސް

ތައްޔާރުކުރާނެގޮތް

ކުޑަ ކުޑަ ތެއްޔަކަށް ފެން ފޮދެއް އަޅާލާފައި ކެކިގަތުމުން ހުރިހާ ބާވަތް އެއްކޮށް އަޅާލާފައި ރޯފިލުމުން އުނދުން މަތިން ބާލާފައި މިކްސަރުން  ފުނޑާލާފައި ތުއްތު ދަރިފުޅަށް ކާން ދޭށެވެ.

ބަކުން ބަކުން

މިފޮތުގައި މިލިޔަނީ 6 މަހާއި  1 އަހަރާއިދެމެދުގެ ކުދިންނަށް ކާންދޭން ތައްޔާރުކޮށްފައިވާ ރެސިޕީ ތަކެކެވެ.ފުޅި ފުޅިއާއި ދަޅު ދަޅު ގައި ހުންނަތައްޔާރީ ކާނާގެ ބަދަލުގައި ހަރަދުކުޑަކޮށް އަޅުގަނޑުު މެންނަށް ފަސޭހައިން ލިބޭ ބާވަތް ތައް ބޭނުންކޮށްގެން ތުއްތު ދަރިފުޅަށް ހަށިގަނޑަށް ބޭނުންވާ ބައިތައް ހިމެނޭގޮތަށް ކާނާ ތައްޔާރުކޮށް ދިނުމަކީ ވަރަށް މުހިންމު ކަމެކެވެ. އެގޮތުން މިފޮތުގައިވާ ކާނާތަކުގައި ތުއްތު  ދަރިފުޅަށް ކޮންމެހެން ބޭނުންވާ ބަައެއް ބާވަތް ތައް ހިމަނާފައި ވާނެއެވެ.


މި ކާނާ ތައްޔާރު ކުރާއިރު ނުވަތަ ކައްކާއިރު ބަލާނީ ވީހާވެސް މަދުން ފެން އަޅައިގެން ކިރިޔާ ރޯފިލާވަރުގެ ފެން ފޮދެއްގައި ކެއްކޭތޯއެވެ. އެއީ ފެން ގަނޑުގެ ތެރެއަށް ތަރުކާރީ ކޮޅުގައިވާ ވިޓަމިން ކޮޅު ދާނެތީއެވެ. ޗަސްކުރާއިރު ރަނގަޅަށް އޮމާން ވާވަރަށް ވުރެ ހިކިނަމަ ކެއްކި ފެން ފޮދެއް ނުވަތަ މިނެރަލް ވޯޓަރ ފޮދެއް އެއްކޮށްލާށެވެ.

          ކައްކާއިރު އަބަދު ވެސް ބަލާނީ އާއްމުކޮށް ތުއްތު ދަރިފުޅު އެއްފަހަރަށް ނުވަތަ ދެ ފަހަރަށް ވާވަރުގެ އެތިކޮޅެއް ކެއްކޭތޯ އެވެ. އެއީ ގިނައިން ކައްކާފައި ބާކީ ގިނައިރުވުމުން ތާޒާކަން ކެނޑޭނެތީއެވެ.އަދި ކާށި ކިރު އަޅާ ބާވަތް ތައް ކައްކާނީ 1 ފަހަރަށް ވާވަރަށެވެ.

             2 މާރޗް 2009        
                                               ޝުކުރިއްޔާ

 
                                                                             ޖުވައިރިޔާ ވަޖުދީ