ކާމިޔާބުގެ މަގު

ޅެމުގެ ޝާޢިރު: އަލްއިމާމުއްޝާފިޢީ (ރަޙިމަހުﷲ)
ތަރުޖަމާ:     އިބްރާހީމް ޒަކަރިއްޔާ މޫސާ

ތިމާ އެކަމެއް ކުރާ ޙާލު، އެކަން ނުކުރުމަށް އެހެންމީހުންނަށް ނަސޭހަތްތެރިވާ މީހާ އެވެ!
ލާ ކޮންމެ  ނޭވާޔަކާއެކު، ޢުމުރު ގުނެމުންދާ އިންސާނާ އެވެ!

އެ މުސްކުޅިކަން ކިލަނބު ކޮށްލައިދޭނެ ކަންކަމުން ކަލޭގެ މުސްކުޅިކަން ޙިމާޔަތް ކުރާށެވެ!
ހަމަ ޔަޤީނުން ވެސް ހުދުކަމަކީ، (ނުރައަކީ) މިލަވުން ތަޙައްމުލު ކުރުން ދަތި އެއްޗެކެވެ.

މީސްތަކުންގެ ދާ ހެދުންތައް ދޮވުމަށް އުފުލާމީހާ ފަދައިންނެވެ.
އޭނާ އެ ހެދުންތައް ހަޑި މުޑުދާރު އެއްޗެހީގެ ތެރެއަށް އަޅާ ހަދަ އެވެ.

ކާމިޔާބީގެ މަގުން ހުނިގާ ކާމިޔާބަށް ކަލޭ އެދެމު އެވެ.
ހިކި ފަހުގައި ނައުޒޯނގު ނުދުވާނެކަން ކަށަވަރެވެ.

ސަންދޯކުގެ ތެރެއަށް އެރުމުގެ ވަގުތު އައިސްޖެހުމުން،
އަހާއި ބަޣަލުގެ މައްޗަށް، ސަވާރުވެ އުޅުނުކަން ހަނދާން ނެތިދާނެ އެވެ.

ޤިޔާމަތަކީ މުދަލާއި ދަރިއެއްގެ އެހީނެތް ދުވަހެވެ.
ޤަބުރުގައި ފަސްދާނުލެވުމާއެކު،  އާކައިވެނީގެ އުފާވެރި ރޭގެ މަތީން ހަނދާނެއް ނުވާނެ އެވެ.