ދައްޖާލު ބުޅާ ކުވޭތުގައި ގިނަވާން ފަށައިފި
ފޮނުވީ: އެމް
ފޮޓޯގައި އެވާ މަޚުލޫޤަކީ އުފެދުމުގައި އައިބުވެފައިވާ ބުޅަލުގެ ބާވަތެއް ކަމަށް ބައެއް ޢާލިމުން ވިދާޅުވެފައި ވެއެވެ. އަދި މިވައްތަރު މަޚުލޫޤަކީ ގިނަދުވަހު ދުނިޔޭގައި ދިރި ނޫޅޭ އެއްޗެއް ކަމަށް އެނގިފައި ވެއެވެ. ނަމަވެސް މިހާރު މިމަޚުލޫޤު ކުވޭތުގައި ގިނަވަމުންދާކަމަށް ގަލްފުގެ ބައެއް ނޫސްތަކުން ބުނެފައި ވެއެވެ.
މިކަމާހެދި ބައެއް މީހުން ވަރަށް ބިރުން އުޅޭ ކަމަށް ވެއެވެ. އަދި ބައެއް މީހުން މިދުވަސްވަރު މި މަޚުލޫޤު ފާޅުވުމާމެދު ތަފާތު ވާހަކަތައް ވެސް ދައްކައެވެ. މިމަޚުލޫޤަށް ދައްޖާލު ބުޅަލޭ ކިއުނީ، ދައްޖާލު ފަދައިން މީގައި ވަނީ އެއްލޯ ކަމަށް ވާތީއެވެ.