އިބްރާހީމް ރަޝީދު މޫސާ

އިސްލާމްދީނުގައި ދުޢާ ކުރުމަށް އަދަބުތަކެއް ވެއެވެ. މި އަދަބުތަކާ ޚިލާފުވެދާނެ ގޮތަކަށް ދުޢާކުރުމަކީ މަނާ ކުރައްވައިފައިވާ ކަމެކެވެ. މި ލިޔުމުގައި ބަލާލާނީ ދުޢާކުރުމުގެ އަދަބުތަކަކަށްނޫނެވެ. އެހެނަސް ދުޢާ ކުރުމުގައި ޙައްދުފަހަނަޅައިދިޔުމަށެވެ. ﷲ ޢައްޒަ ވަ ޖައްލަ ވަޙީ ކުރެއްވިއެވެ. [ٱدْعُوا۟ رَبَّكُمْ تَضَرُّعًا وَخُفْيَةً ۚ إِنَّهُۥ لَا يُحِبُّ ٱلْمُعْتَدِينَ]  - ([މަޑުމޮޅިކަމާއި، ވަންހަނާ ގޮތުގައި، ތިޔަބައިމީހުންގެ ވެރިރަސްކަލާނގެއަށް دعاء ކުރާށެވެ! ހަމަކަށަވަރުން، ހައްދުފަހަނަޅައިދާ މީހުންދެކެ އެކަލާނގެ ލޮބުވެތިވެ ވޮޑިގެންނުވެތެވެ.])  ރަސޫލާ ﷺ ޙަދީސް ކުރެއްވިއެވެ. [إنَّهُ سيَكونُ قومٌ يعتدونَ في الدُّعاءِ ] – ([ހަމަކަށަވަރުން ދުޢާކުރުމުގައި ހައްދުފަހަޅައިދާ ބަޔަކު އަންނާނެތެވެ.]) 

އިބްރާހީމް ރަޝީދު މޫސާ

البسملة ނުވަތަ  (بسم الله الرحمن الرحيم)  އަކީ ކީރިތި ޤުރްއާނުގެ ތަޅުދަނޑިއެވެ. އައްލައުޙުލްމަޙްފޫޡުގައި ޤަލަމުން ފުރަތަމަ ލިޔެވުނު ކަލިމައަކީ بسملة(1)އެވެ. ނުވަތަ ބިސްމިއެވެ. ޖިބްރީލުގެފާނު ވަޙީގެ ފުރަތަމަ  ބަސްފުޅައިގެން ލޮބުވެތި  ނަބިއްޔާ ﷺ ގެ އަރިހަށް ވަޑައިގެން ކުރެއްވި އަމުރުފުޅުގައި ވަނީ: اقْرَأْ بِاسْمِ رَبِّكَ الَّذِي خَلَقَ އެވެ.  މާނައަކީ: ﷲގެ ނަންފުޅުން ކިޔަވާ ވިދާޅުވަން ފަށްޓަވާށެވެ! އަޅުގަނޑުމެންނަށް ނިސްބަތް ކުރާނަމަ އެ ބަސްފުޅުގެ މުރާދަކީ އިބަރަސްކަލާނގެ އިސްމުފުޅުން ބަރަކާތް ޙާޞިލުކޮށްގެން މި އަޅާ ކިޔަވަން ފަށަމެވެ. 

 

އިބްރާހީމް ރަޝީދު މޫސާ

އަބޫ ސަޢުދު ޢަބްދުﷲ ބިން މުޙައްމަދު ބިން އަބީ ޢަޞްރޫން ރައްކައުވީ ޢިރާޤުގެ މޫޞަލުގައި 492 ވަނަ އަހަރުގައެވެ. ވަރަށް ތުއްޕުޅުއިރު ކީރިތި ޤުރްއާން ހިތުދަސްކުރައްވައި ޝާފިޢީ ޢިލްމުވެރީންގެ އަރިހުން ތަޢުލީމު އުނގެނިވަޑައިގެންނެވިއެވެ. އެކަލޭގެފާނަކީ އަގަބަހުން ފިލާވަޅު ދެއްވި ބޭކަލެކެވެ. އެކަލޭގެފާނު ޤުރްއާން އުނގެނިވަޑައިގަތީ އަބޫ ޢަބްދު ﷲ އަލްޙުސައިން ބިން މުޙައްމަދުލް ބާރިޢުގެ އަރިހުންނެވެ.  

މުޙަންމަދު ޝުޖާޢު ޢަބްދުއްރަޙީމު

ކުރިންވެސް ދެންނެވިފައިވާނޭ ފަދައިން މިކައުނު ފުޅާވަމުންދާކަން، ވިހިވަނަ ޤަރުނުގެ ކުރީކޮޅު ޢިލްމުވެރިން ވަނީ ޘާބިތުކޮށްދެއްވާ ފައެވެ. އަދި އެބޭފުޅުން ވިދާޅުވާ ގޮތުގައި މިފުޅާވުމަކީ ނިމުމެއްނުވާ ކަމެއް ނޫނެވެ. ފަހެ، ބިގްބޭންގގެ ސަބަބުން ބުރައިގެންދިޔަ އެތިކޮޅުތަކުގެ ސަބަބުން މިފުޅާވާ ފުޅާވުން ބޭރަށް ފުޅާވަމުންދާ ބާރުމިން ދަށްވާނެ ވަގުތެއް އަންނާނެއެވެ.

މަވްލާނާ ވަޙީދުއްދީން ޚާން
ތަރުޖަމާ: ޢަބްދުﷲ ނަޢީމު އިބްރާހީމް

މި ޒަމާނުގެ ތަހްޒީބުގެ ސަބަބުން ދީނަކީ ބޭނުމެއް ނެތް ބޯދާ އެއްޗަކަށް ވެގެން ހިނގައްޖެ ކަމުގައި ކިޔާތީ އިވެއެވެ.

ހުޅަނގުގެ ތަހްޒީބުން އިންސާނިއްޔަތަށް ދީފައިވާ އެއްޗަކީ ކޮބައިތޯއެވެ؟ އެއީ މި ޒަމާނުގެ ސަވާރީއެވެ. އައު ވައްތަރު ވައްތަރުގެ ގެއެވެ. މުވާޞަލާތުގެ އައު

ޢަބްދުﷲ ނަޢީމު އިބްރާހީމް


މިދުނިޔޭގައި މީސްތަކުން އުޅެން ފެނިފައި އޮންނަނީ ދެ ގޮތެކެވެ. އެއްގޮތަކީ އަމިއްލަ ނަފުސު ރުއްސަން  (Self oriented)މަސައްކަތް ކުރުމެވެ. ނުވަތަ އަމިއްލަ އެދުންތައް ފުއްދަން މަސައްކަތް ކުރުމެވެ. ދެވަނަ ގޮތަކީ ﷲ ސުބްޙާނަހޫ ވަތަޢާލާގެ ރުއްސެވުން  (God oriented)ހޯދަން އުޅުމެވެ.

މީހަކަށް ވެވޭނީ މިދެގޮތުން އެއްގޮތަކަށެވެ. އަމިއްލަ އެދުންތައް ފުއްދަން އުޅޭމީހާއަކަށް ﷲ ގެ ރުއްސެވުމެއް ނުލިބޭނެއެވެ. އޭނާ ދަތުރުކުރަން ޖެހޭނީ އަމިއްލައަށް

ޢަބްދުލްޢަޒީޒު ޖަމާލު އަބޫބަކުރު (މާޒީ)

މުޅި ދުނިޔެއަށް ފަހުގެ ތާރީޚެއްގައި ދިމާވެފައި ނުވާ ފަދަ ދަތި އުނދަގޫ ދުވަސްވަރަކާ މުޅި ދުނިޔެ މިއަދު ވަނީ ކުރިމަތިވެފައެވެ. އާދޭހެވެ! "ކޮވިޑް 19"ގެ  އުނދަގޫތަކާ މުސްލިމު އުއްމަތްވެސް ވަނީ ކުރިމަތިލާންޖެހިފައެވެ. އިސްލާމް ދީނަކީ ކޮންމެ ޙާލަކާއި ކޮންމެ ޒަމާނަކަށް ފެތޭ ފުރިހަމަ ދީނެކެވެ. އެހެންކަމުން މުސްލިމުންގެ ދީނީ އަދި އިޖުތިމާޢީ އާދަތަކަށް ބަދަލުގެނެސް، މި އުނދަގޫތައް ތަޙައްލުކުރުމުގެ ޤާބިލުކަން މުސްލިމުންނަށް ވަނީ ލިބިފައެވެ. އެކަންކަމާ މުސްލިމުން ގެންދަނީ ހުރިހައި މާނައެއްގައި އެއްބާރުލުން ދީ އެކަށީގެންވާ ފިޔަވަޅުތަކެއް އަޅަމުންނެވެ. އިސްލާމް ދީނަކީ ހުރިހާ ޒަމާނަކާއި ހުރިހާ މަކާނަކާއި ހުރިހާ ޙާލަތަކަށް ފެތޭ ފުރިހަމަ ދީނެއްކަން މިއަދުގެ މި އުނދަގޫ ޙާލަތުންވެސް އަންނަނީ އިތުރަށް ސާބިތުވަމުންނެވެ. ކުޑަވެސް ޝައްކެއް ނެތެވެ. އިސްލާމް ދީނަކީ ޢާލަމީ ދީނެވެ. ހުރިހައި އިންސާނުން އުޅޭން ޖެހޭ ދީނެވެ. އެއީ ﷲގެ ޙަޟުރަތުގައި ޤަބޫލުފުޅުކުރެއްވިގެންވާ ހަމައެކަނި ދީނެވެ.

އިބްރާހީމް ރަޝީދު މޫސާ

(11 މެއި 2020 ގައި ޝާއިޢުކުރި ބަޔާ ގުޅޭ)

244. ޚަންދަޤު ހަނގުރާމައިން ނިމިވަޑައިގެން ރަސޫލާ ﷺ ގެކޮޅަށް ހަމަވަޑައިގަތުމުން ޖިބްރީލުގެފާނު ވަޑައިގެން ބަނީ ޤުރައިޡާގެ ޔަހޫދީންނާ ދެކޮޅަށް ހަނގުރާމައަށް ނުކުމެވަޑައިގަތުމަށް އަމުރުކުރެއްވިއެވެ. 

245. މި އަމުރުފުޅު އައުމުން ރަސޫލާﷺ ހަނގުރާމައިގެ ހެދުންކޮޅު އަލުން ތުރުކުރައްވައިގެން ނުކުމެވަޑައިގެން އަޞްޙާބުންނަށް ޙަދީސް ކުރެއްވިއެވެ. [فلا يُصلِّينَّ العصرَ إلّا في بَني قُرَيْظةَ ] – ([ތިޔަބައިމީހުންކުރެ ހަމަ އެކަކު ވެސް  ބަނީ ޤުރައިޡާގައި މެނުވީ ޢަޞްރު ނަމާދު ނުކުރާހުށިކަމެވެ.]) (أخرجه البخاري ومسلم)

އިބްރާހީމް ރަޝީދު މޫސާ

الله سبحانه وتعالى ފިޠުރު ޒަކާތް ޝަރްޢުކުރެއްވީ ހިޖްރައިން ދެވަނަ އަހަރުގެ ޝަޢުބާން މަހުގައެވެ. އެއީ ރޯދަ ފަރްޟުކުރެއްވި އަހަރެވެ. އަދި އޭރު މުދަލުޒަކާތް ފަރްޟެއް ނުކުރައްވައެވެ. އިބްނު ޢުމަރުގެ އަރިހުން ރިވާވެގެންވެއެވެ. [فَرَضَ رَسولُ اللَّهِ صَلّى اللهُ عليه وسلَّمَ زَكاةَ الفِطْرِ صاعًا مِن تَمْرٍ، أوْ صاعًا مِن شَعِيرٍ على العَبْدِ والحُرِّ، والذَّكَرِ والأُنْثى، والصَّغِيرِ والكَبِيرِ مِنَ المُسْلِمِينَ، وأَمَرَ بها أنْ تُؤَدّى قَبْلَ خُرُوجِ النّاسِ إلى الصَّلاةِ] - ([ރަސޫލާ صَلّى اللهُ عليه وسلَّمَ މުސްލިމުންގެ ތެރޭގައި ހިމެނޭ ކޮންމެ މިނިވަން އަންހެނަކާއި ފިރިހެނެއްގެ މައްޗަށާއި، ކޮންމެ އަޅުފިރިހެނަކާއި އަންހެނެއްގެ މައްޗަށް، ކޮންމެ ބޮޑުމީހަކާއި ކުޑަކުއްޖެއްގެ މައްޗަށް ފިޠުރުޒަކާތް ކަދުރުގެ ޞާޢެއްގެ މިންވަރުން ނުވަތަ ހިމަގޮދަނުގެ ޞާޢެއްގެ މިންވަރުން ފަރްޟު ކުރެއްވިއެވެ.])

އިބްރާހީމް ރަޝީދު މޫސާ

 

މާތް ﷲ ކީރިތި ޤުރްއާނުގައި ވަޙީ ކުރެއްވިއެވެ. [لَيْسُوا۟ سَوَآءً ۗ مِّنْ أَهْلِ ٱلْكِتَـٰبِ أُمَّةٌ قَآئِمَةٌ يَتْلُونَ ءَايَـٰتِ ٱللَّـهِ ءَانَآءَ ٱلَّيْلِ وَهُمْ يَسْجُدُونَ ﴿١١٣﴾ يُؤْمِنُونَ بِٱللَّـهِ وَٱلْيَوْمِ ٱلْـَٔاخِرِ وَيَأْمُرُونَ بِٱلْمَعْرُوفِ وَيَنْهَوْنَ عَنِ ٱلْمُنكَرِ وَيُسَـٰرِعُونَ فِى ٱلْخَيْرَٰتِ وَأُو۟لَـٰٓئِكَ مِنَ ٱلصَّـٰلِحِينَ ﴿١١٤﴾  وَمَا يَفْعَلُوا۟ مِنْ خَيْرٍ فَلَن يُكْفَرُوهُ ۗ وَٱللَّـهُ عَلِيمٌۢ بِٱلْمُتَّقِينَ (1) -  އެއުރެން، ހަމަހަމަވެގެނެއް ނުވެއެވެ. ފޮތުގެ أهل ވެރިންގެ ތެރެއިން ސީދާކަންމަތީ قائم ވެ ތިބޭ ބަޔަކުވެއެވެ. އެއުރެން ރޭގަނޑުގެ ވަގުތުތަކުގައި سجدة ކޮށް ނަމާދުކުރާ حال، اللَّه ބާވައިލެއްވި آية ތައް ކިޔަވަތެވެ. اللَّه އަށާއި، آخرة ދުވަހަށް އެއުރެން إيمان ވެތެވެ. އަދި، އެއުރެން ހެޔޮކަންތަކަށް أمر ކޮށް، ނުބައިކަންތައް ނަހީކުރެތެވެ. އަދި، ހެޔޮކަންތައް ކުރުމަށް އެއުރެން އަވަސްވެގަނެތެވެ. އެއުރެން ވަނީ صالح ންގެ ތެރެއިންނެވެ. ހެޔޮކަމުގެ ތެރެއިން އެއުރެންކުރާ އެއްވެސްކަމެއް، ފަހެ، އެކަމެއްގެ ثواب ން އެއުރެން محروم ނުކުރައްވާހުށްޓެވެ. اللَّه އީ، تقوى ވެރިން މޮޅަށް ދެނެވޮޑިގެންވާ ރަސްކަލާނގެއެވެ.] މި ބަސްފުޅުގައި ހިމެނޭ މަދު މީހުންގެ ތެރޭގައި ކަޢުބު ބިން ސޫރު ހިމެނިވަޑައިގަންނަވާކަމަށް މުފައްސިރުން ވިދާޅުވެއެވެ. އެކަލޭގެފާނު ޒިއްމީއެއްގެ ގޮތުގައި އުޅުއްވައި އިސްލާމްދީނަށް ވަދެވަޑައިގަތީއެވެ. 

މުޙަންމަދު ޝުޖާޢު ޢަބްދުއްރަޙީމު

ޢިލްމުވެރިން ވިދާޅުވަނީ ކޮންމެވެސް ދުވަހަކުން މިދުނިޔޭގައިވާ ދިރުން ހުއްޓޭނެއެވެ. އަދި މިދުނިޔޭގައިވާ ހުރިހާ ކަންތައްތަކެއް ހުއްޓިގެން ދާނެއެވެ. ފަހެ މިކައުނަކީ އަބަދަށް ދާއިމަށް ދެމިގެންވާ ތަނެއް ނޫނެވެ. މިކައުނުގެ ފެށުމެއްވާ ފަދައިން ނިމުމެއްވެސް ވާނެކަން ކަށަވަރެވެ. މިއީ ޢިލްމުވެރިން ސާބިތު ކޮށްދެއްވާފައިވާ ކަމެކެވެ. ޤިޔާމަތް ދުވަހުގެ ސިފަކުރެއްވުމެއްގައި މާތްﷲ ވަޙީކުރައްވާފައި ވެއެވެ.

އައްޝައިޚު ޙަސަން ތައުފީޤު ޢަބްދުއްރަޙްމާން

دُعَاء ކުރުމަކީ مُسلِمُ ންގެ ހަތިޔާރެކެވެ. دُعَاء ކުރުމަކީ އަޅުކަމެއްމެ އެވެ. دُعَاء ކުރުމަކީ ވަރަށް މާތް ކަމެކެވެ. دُعَاء ކުރުމާ ބެހޭގޮތުން މި އުއްމަތަށް ކައުކުރެއްވި މާތް ސާހިބާ حَديث  ކުރައްވާފައި ވެ އެވެ. <<الدُّعَاء هُوَ الْعِبَادَة  >> މާނައަކީ دُعَاء ކުރުމަކީ އެއީ، އަޅުކަމެކެވެ. މިހެން حَديث ކުރެއްވުމަށްފަހު މި އާޔަތް ކިޔަވައި ވިދާޅުވި އެވެ.

އަލްއުސްތާޛު އަޙްމަދު މާޖިދު

ހުޅަނގު ޔޫރަޕުގެ ބައިމަދު ޖަމާޢަތްތަކާ ދެކޮޅަށް ކުރެވުނު ޞަލީބީ ހަނގުރާމަ

ކުރީގެ ޞަފުޙާއެއްގައި ވެސް ދެންނެވިފައި ވާނޭ ފަދައިން، ޞަލީބީ ހަނގުރާމައަކީ ހަމައެކަނި މުސްލިމުންނާ ދެކޮޅަށް ކުރެވުނު ހަނގުރާމައެއް ނޫނެވެ. އެ ހަނގުރާމައަކީ ކްރިސްޓިއަން ރޯމަން ކެތަލިކް ބޮޑު ފައްޅީގެ ޢަޤީދާތަކާ ޤަބޫލު ނުވި އެތައް ބަޔަކާ ދެކޮޅަށް ކުރެވުނު ސިލްސިލާ ހަނގުރާމައެކެވެ. މީލާދީން 1095 އިން ފެށިގެން 1290 އިގެ ތެރެއާ ހަމަޔަށް މުސްލިމުންނާ ދެކޮޅަށް ފޮނުވުނު ޞަލީބީ ލަޝްކަރުތަކަކީ މީގެ ތެރެއިން އެންމެ ބޮޑު ބައެވެ. އެންމެ މުހިއްމު، އަދި އެންމެ މަޝްހޫރު ބައެވެ. ނަމަވެސް

ޢަބްދުލްޢަޒީޒު ޖަމާލު އަބޫބަކުރު (މާޒީ)

މިއަދު ދުނިޔެއަށް ފެތުރިފައިވާ ޢާލަމީ ވަބާއާ ގުޅިގެން އަޅުގަނޑުމެންގެ އިޖުތިމާޢީ އާދަތައް މިވަނީ އަލުން ތަރުތީބުކުރާންޖެހިފައެވެ. ދީނީ އަޅުކަންތަކުގެ އުޞޫލަށް ވެސް މިވަނީ ބަދަލު ގެންނާންޖެހިފައެވެ. މި ބަލީގެ ނުރައްލުން ސަލާމަތްވުމަށްޓަކައެވެ. ޞިއްޙީ ހޭލުންތެރިކަން އިތުރުވެ ވަރަށް ގިނަ ކަންކަމަށް ބަދަލުގެންނާން މި ވަނީ ޖެހިފައެވެ. އަޅުގަނޑުމެން ކުރިމަތި މިލީ ތާރީޚުން ވެސް ޖާގަ ހޯދައިފި ތަފާތު ރޯދަމަހަކާއެވެ. 

އިބްރާހީމް ރަޝީދު މޫސާ

(10 އެޕްރީލް 2020 ގައި ޝާއިޢުކުރި ބަޔާ ބެހޭ) 

226. ހިޖްރައިން 5 ވަނަ އަހަރު ބަނުލް މުޞްޠަލިޤު ހަނގުރާމަ ހިނގިއެވެ. މި ހަނގުރާމައަށް [ޣަޒްވަތުލް މުރައިސީޢު] އޭ ކިޔެއެވެ. މި ހަނގުރާމަ ހިނގީ އަލްޙާރިޘް ބިން އަބީ ޟިރާރު މަދީނާއާ ދެކޮޅަށް ހަނގުރާމަ ކުރުމަށް ލަޝްކަރެއް ޖަމާކުރުމުންނެވެ.

227. ރަސޫލާ ﷺ މިމީހުންނާ ކުރިމަތިލެއްވުމަށް ޓަކައި 700 ޞަޙާބީންނާއިގެން ނުކުމުވަޑައިގެންނެވިއެވެ. އެމީހުންނަށް ޙަމަލާދެއްވައި އެމީހުންގެ ހަނގުރާމަވެރިން ޤަތުކުރައްވައި އެމީހުންގެ އަނބިދަރީން އަޅުންގެ ގޮތުގައި ހައްޔަރު ކުރެއްވިއެވެ. 

228. މި ހަނގުރާމައިގައި ހައްޔަރުކުރެވުނު މީހުންގެ ތެރޭގައި ބަނުލްމުޞްޠަލިޤު ވަންހައިގެ ވެރިޔާގެ ދަރިކަނބަލުން ޖުވައިރިޔާ ބިންތުލް ޙާރިޘް ވެއެވެ. ރަސޫލާ އެކަމަނާއަށް އިސްލާމްދީން ހުށައެޅުއްވުމުން އިސްލާމްދީން ޤަބޫލުކުރައްވައި އިސްލާމްވެ ވަޑައިގަތެވެ. މިކަމަށް ޓަކައި ރަސުލާ ﷺ އެ ކަމަނާއާ ކާވެނިފުޅު ބައްލަވައިގަތެވެ. 

އިބްރާހީމް ރަޝީދު މޫސާ

(ކުރީގެ ޢަދަދާ ގުޅޭ)

އުޟްޙިޔާގެ ޙުކުން:

1- އަބޫޙަނީފާ ވިދާޅުވާ ގޮތުގައި އުޟްޙިޔާ ކަތިލުމަކީ ވާޖިބު ކަމެކެވެ. އެކަމަކު އަބޫ ޔޫސުފާއި މުޙައްމަދު ވިދާޅުވާ ގޮތުގައި އެއީ ގަދަވެގެންވާ ސުންނަތެކެވެ. (فتح القدير : 8 / 67  ، اللباب :3 / 232 ، البدائع : 5 / 65)    ޙަނަފީންގެ ދަލީލަކީ ކީރިތި ރަސޫލާގެ ބަސްފުޅު " مَنْ وَجَدَ سَعَةً فَلَمْ يُضَحِّ فَلَا يَقْرَبَنَّ مُصَلَّانَا   - ތަނަވަސްކަން ލިބި އުޟްޙިޔާ ކަތި ނުލި މީހާ ފަހެ އަހުރެމެންގެ ނަމާދު ކުރާ ތަންތަނާ ގާތްނުވާ ހުށިކަމެވެ!]) (فتح القدير : 8 / 67  ، اللباب :3 / 232 ، البدائع : 5 / 65)  ޙަނަފީން ވިދާޅުވާ ގޮތުގައި މި ފަދަ ވަޢީދުގެ ބަސްފުޅެއް ޙަދީޘް ކުރައްވާނީ އެއީ ވާޖިބު ކަމަކަށް ވާތީއެވެ. 

އިބްރާހީމް ރަޝީދު މޫސާ

 

ޤާޟީ ޝުރައިޙަކީ އިސްލާމީ އުއްމަތުގެ ކުރީކޮޅުގައި އެންމެ މަޝްހޫރު އެއް ޤާޟީއެވެ. ޢުމަރުގެފާނާއި، ޢުޘްމާނުގެފާނާއި، ޢާލީގެފާނާއި، މުޢާވިޔަތުގެފާނުގެ ޒަމާނުގައި ޤާޟީ ޝުރައިޙު ކޫފާގެ ޤާޟީކަން ކުރެއްވިއެވެ. 

މުޙަންމަދު ޝުޖާޢު ޢަބްދުއްރަޙީމު

ފުރަތަމަ މިކައުނު އުފެދުނީ އެއް ގެލެކްސީއަކުން ނުވަތަ އެކަތިގަނޑެއްގެ ގޮތުގައިވާ އެއްޗެއް ގޮވައިގެންނެވެ. އިރުތަކާއި ޕްލެނެޓްތައް އަދި ތަރިތައް އުފެދުނީ މިގޮތަށެވެ. އަދި މުސްތަޤްބަލުގައި މިހުރިހާ އެއްޗެއް އެކުވެ، އަލުން އެކަތިގަނޑަކަށް ވާނެއެވެ. އަދި ދެވަނަ ފަހަރަށް އަލުން އެގޮވާ، މި ބިން ނޫން އެހެން ބިމަކާއި މިއުޑުތައް ނޫން އެހެން އުޑުތަކެއް އުފައްދަވާނެއެވެ. މިއީ ކައުނީ ޢިލްމުވެރިން ވިހިވަނަ ޤަރްނުގެ ފަހުކޮޅު ކޮށްފައިވާ ތަޞައްވުރެކެވެ. މިއީ ޙަޤީޤަތެއްކަން އަހަރެމެން މުސްލިމުން ޤަބޫލުކުރަން ޖެހެނީ މިކަމަށް ޤުރްއާނުގައި އިޝާރާތް ކުރައްވާފައިވާތީއެވެ.

މާއްދާ ޚަލްޤުކުރެއްވުން

އަލްއުސްތާޛު އަޙްމަދު މާޖިދު                                       4 ޑިސެމްބަރު (ހޮނިހިރު) އާ ގުޅޭ..

ކުރީންވެސް ދެންނެވިފައިވާނޭ ފަދައިން، މާއްދާއަކީ އިނގިރޭސި ބަހުން ކިޔައި އުޅޭގޮތުން މެޓަރ (Matter) އެވެ. ސައެންސްގެ އަހުލުވެރީންނަށް، ޚާއްސަކޮށް ފިޒިކްސްގެ ޢިލްމުވެރީންނަށާއި ދަރިވަރުންނަށް، މާއްދާއަކީ ކޯއްޗެއްކަން ވަރަށް ރަނގަޅަށް އެނގިވަޑައިގަންނަވާނެއެވެ. ލަފުޒީ މާނައަށް ބަލާއިރު، މެޓަރ ނުވަތަ މާއްދާއަކީ ބަރުދަނެއް ހުރެފައި، ޖާގައެއް ހިފާ ކޮންމެ އެއްޗެކެވެ. މަޚުލޫޤާތު (Creation)