ޢަލީ ޝަރީފު، ފިލިގަސްދޮށުގެ

ފަޅުކަން ޙަޔާތަށް އަންނަނީ އަޅުކަމުގެބައި އުނިކޮށްލުމުން،
           އަޅުކަންކުރަންވީ މާތްފަރާތް ކިޔަމަންކަމާއެކު ނުބެލުމުން.

ދެއްވެވި އެފަދަ ނިޢުމަތްތަކަށް ޝުކުރާއި ޙަމްދާ ނުކުރުމުން
           ހެއްވާ ޚިޔާލީ ހުވަފެނުން ހޭވެސް   ނުލާއުޅެވޭ ކަމުން.

             
ޝާކީލާ ޙާމިދު ބިޖިލީގެ ހއ. ކެލާ

ރީތި އެކިއެކި ކުލަކުލައިގާ ވާއެއީ ހަމަވައްޓެކޭ
         ރީތި ބައްޓަންތައް ގެނެސްފައި ފައި ހުއްޓަކަސް އޭ ވައްޓެކޭ

ސާފުކޮށް ގިރިޓީކުރާ ތަންތަނުގެ ކުނިތައްވެސްއަޅާ
         ސާފު ރަންކުލަ އެރިޔަކަސް  މުޑުދާރު އޭ ހަމަ  ވައްޓެކޭ

މުޙަންމަދު ނަސީމު
 (ތަރުވާޒު)

އަޅުގަނޑަކީ ދެރަ ނިކަމެތި މީހެއް ބާރެއް ނެތް ބަލިކަށި ވެސް މީހެއް
    ފަޅުކަމުގައި މިލަމުންދާ މީހެއް އަޅުގަނޑަކީ ދެރަ ނިކަމެތި  މީހެއް

ރޭތައް އެތަކެއް އަހަރާ މަސްތައް އެކަހެރިކަމުގައި އުޅުނު ދުވަސްތައް
    ވޭތުވެ ގޮސް އެކަހެރި މި ހަޔާތަށް އަތުވެއްޖޭ ފާގަތިވި   ބަހާރެއް

ޢަލީ ޝަރީފް/ ފިލިގަސްދޮށުގެ ކ، މާލެ

އުދުހުމުން ހީވޭމަތިން ހާރެއްއޮތީހެން ކަނޑުމަތީ.

       ހުދުފަށެއް ރާޅުގެ ފޮނުން ހެދެމުންދެޔޭ ފަރުތައްމަތީ.

ކަނޑުނުލުން މަޑުފެއްސަކަށް ލޮނުގަނޑު ބަދަލުވާ ގޮތްއޮތީ.

       ދަނޑުތަކާ ފެހިރުއްތަކެއް ހެދިފޯދިފާ ނަލަކަންމަތީ.

މުޙަމްމަދު ނަސީމު
          (ތަރުވާޒު)

  
ކުއްލިގޮތަކަށް ލިބުނު ދަޢުވަތެކެވެ.

ވަރަށް ކުއްލި ގޮތަކަށެވެ.
ލިބުނީ ސިހުމެކެވެ. ހައިރާންކަމެކެވެ.
ވެރިވީ ނުތަނަވަސްކަމެވެ. ގަބޫލުކުރަން ދަތިވިއެވެ.
އެހެނަސް .... ގަބޫލުކުރުން ނޫން ގޮތެއް ނެތެވެ.

މުޙަމްމަދު ނަސީމު
          (ތަރުވާޒު)


އައިބެއް ނުވާ ޖިސްމުން ދުވާ ހައިކަން ފިލާފަދަ މީރުވަސް
           ވައިރޯޅިއާ އެކު  ފެތުރުމުން  ހައިރާންވެއޭ  ޅެންވެރިޔަކަސް
ފިނިފެންމަލެއް ފަދަ ނަލަ ޕަރީ ހިނިތުންވެލައި ފިއްޔާ ތެދޭ
           ފިނިކަން ހިތަށް ލިއްބައިދެއޭ ގިނިހިތުތެރޭ އަނދަމުން ދިޔަސް
އިރިގެން ހިތާ އަދި މޭ  އެކީ  ވިރި އޮހޮރި ދާހެން ހީވިޔޭ
           ދިރިހުރުމުގައި އުނދަގޫވެޔޭ ކިރިޔާ ލޮލަށް ފެންނަން ނެތަސް
ފިރުމާލުމާއެކު ތިޔަ އަތުން  ދިރުމެއް  ލިބޭނޭކަން ޔަޤީން
           ނިރުތައް އަލުން ހަމަރޯވެގެން ދިރުމެއް ނުވާ ހިތަކަށް ވިޔަސް
މަސްތީ ލޮލާ އެސްފިޔަތަކާ ރަސްރީތި ތިޔަ ތުނި ތުންފަތެއް

ތަރުޖަމާ: ޢަބްދުލްމުޢީދު ޙަސަން


1. ވަޔާއޭ މެންދަމަށް މިޖެހޭ،  ކޮބައިހެ؟ ހަނދާ  މަގޭ މަޢުޝޫޤު،
            މަށަށް  ބުނެދީބަލާށެ ތިބާ  މަ ދާންވީ  މަންޒިލާ،  މާ މަގު.

2. މިވާދީގައި ބިރެއް ނެތަކަސް، އަމާން ތަނަކަށް މިތަން ވިޔަކަސް،
            ނެތޭ ޠޫރުގެ މަތީ  ނޫރެއް  އެނގޭނޭ ހެން  އަރާ  އުދަރެސް.

އަޙްމަދު މުޖުތަބާ

ފެނިގެން ކަލާ ކުރިއޭ އަސަރު، ފުރިހަމަކަމެއް ނެތުމުން ތިވަރު
             މިހިތުން ފިލާގޮސް ބައު ދަބަރު، ލޯބިން ދެލޯ ވެއްޖޭ  އަވަރު

ލިބިފާ ނުވޭ މަށަކަށް ޚަބަރު، ދުނިޔޭގެ ވާކަން ފުރިހަމަ ތިވަރު   
             ލިބިފާ ތިވާ ބޮޑުކަން ފަރަގު، ފެނުމުން ކަތުން ކުރެޔޭ ފިކުރު.
 

މުޙަންމަދު ޝާހިދު ޙަލީމް

ނުކުރު އަޙްމަދު   ހުކުރު ދުވަހަކު   ފިކުރު ކުރިއޭ   ހަކުރު ކައްކަން
    ހުކުރުކޮށްގެން  ޝުކުރުކޮށްފައި   ތަކުރު ކާ ހެން   ދެ ކުރު ކައިލަން

ނުދިގު ފާޚިރު   ދަތުގެ  މާހިރު   މަހުން  އާޚިރު   ދުވަހު ހޮނިހިރު
    މުދިމު  ޒާހިރު    ބަލައި  މޯހިރު    ކުރީ  ތާހިރު   ގިރޭތީ  ހިރު

އާދަމް ނަޞީރު އިބްރާހީމް/ތޮއްޑޫ (2000)
   (ޝާޢިރުލްމަޤުތޫލު)

މާބޮޑަށް ބަނޑުހައިވުމުން ވަދެވޭނެ ދުވެގޮސް ބަދިގެޔަށް،
  މާބޮޑަށް ބޯ  ހަރުވުމުން ވައްދާނެ ގެންގޮސް  ހުރަގެޔަށް،

ކިޔެވުމަށް  އުފަލާއެކީގައި  ދާންޖެހޭނެ   އެދުރުގެޔަށް،
  ކިޔެވި ޢިލްމުން ގޯސް ހަދާނަމަ ލާނެ ވަގުތުން އަށިގެޔަށް،

ކަނީރު ޢަބްދުއްރަޙީމު


ގައުމުދެކެ ލޯބިވާންވެއްޖޭ ގައުމުކުރިއަށް ނެރޭން ވެއްޖޭ
           ފައުޖުތައް ރުކުރުވާން ވެއްޖޭ ގައުމުގެ ގޮވުން އަހާން ވެއްޖޭ

ކިހާ ކޮންފަދަ ނަސީބެއް ހޭ  ކިހާ އުފަލާ  އަރާމެއް ހޭ
           މިހާމަދު މީސްކޮޅެއް އުދުހޭ   މިހާރު ޔަގީން ކުރާން ވެއްޖޭ

ދުނިޔެވީ ވެށި ބަލައިލާއިރު ހުނިޖެހޭ  ގައުމަކަށް ވީއިރު
           ފުނިފުނިންރަނގަޅު މޮޅުއޮތްއިރު އުނިނުވާމަގުހިނގާން ވެއްޖޭ

ޢާއިޝަތު ނީޒާ

އޭ އިންސާނާ އެވެ!
 ތިބާއަކީ ތެދުވެރިކަމަށް ލޯބިކުރާ މީހެއް ހެއްޔެވެ؟
 ތިބާގެ ތިޔަ ދަޢުވާއަކީ ތެދުކަމަށް ވާނަމަ، ތިބާ ދޮގުބަހުން މުޢާމަލާތު ނުކުރާށެވެ.
  ދޮގުވާހަކަތަކަކީ ތިބާގެ ކަންފަތުގެ މިޔުޒިކު ކަމުގައި ނަހަދާށެވެ.

ކަނީރު ޢަބްދުއްރަޙީމު


ދިވެހިންގެ ދިވެހިއްޔަތު  އަލުން އާރޯކުރަން  ހިތްވަރު  ނެރޭ
          ދިވެހިންގެ ލޮބުވެތި ރާއްޖެއަށް ޚިދުމަތްކުރަން  އަޒުމެއް ކުރޭ

ގާތްކަންއުފައްދާ ރުޅިވުމާ  ބައިބައިވުމަށް  ފުރަގަސް  ދެމުން
          މާތްދީނުގައި މާތްކަން  މަތީ  ތިބުމުގެ  ޔަގީންކަން  އާކުރޭ

ލިބިފައިމިވާ އަގުމާތް  ނަސީބު  އެއްދީނަކާ  އަދި އެއްބަހުން
          މިބިމުގެ  ހަރުދަނާ  ބަދަހިކަން   މިދެކަންތަކުން  އާލާކުރޭ

އާދަމް ނަޞީރު އިބްރާހީމް (2003)
      (މަޤުތޫލު)

ހަމަ ހަމަ ކަމެއްގެ ވާހަަކަ މުޅި ދުނިޔެއިން އިވޭއިރު
    ޢަމަލާ ބަހާ ދިމާނުވެ ގިނަބަޔަކު ދިރި އުޅޭ އިރު
        ކަމަކާ ނުލާ އެތައް ގިނަ އިސްލާމުނެއް މަރާއިރު
            ހަމަ ވިސްނުމެއް ނެތީމާ ވާނީ މިގޮތް ބާރާބަރު

މި އަންބާގެ ބައެއް ބައިތައް ކިޔުންތެރިން ހުށަހަޅުއްވަމުން އެބަ ގެންދަވަ އެވެ. ކިޔުންތެރިން ހުށަހަޅުއްވާ ބައިތައް މި ލިޔުމުގެ ފަހަތުގައި ޝާއިޢުކުރެވޭނެ އެވެ. މިހާތަނަށް ޝާއިޢުކުރެވިފައިވާ ބައިތައް ހުށަހެޅުއްވި ބޭފުޅުންނަކީ:
(1) އާމިނާ (2) ތުއްތުކާ (3) ...

ޢަބްދުލްމުޢީދު ޙަސަން


ވާދޫން ފުރައިފިއްޔާ،
ކަޑަހަލަގަލަ ނުބަލައިފިއްޔާ،
ފަތަކާ ފަތަކު ލައިފިއްޔާ،
ފުއްސަރު ބޭރުން ގޮސްފިއްޔާ،
.....

މިނޫން ގޮތަކަށް ކިޔާ އަޑުވެސް އެހީމެވެ.

ޑރ. މުޞްޠަފާ އަލްމަސްޢޫދީ
ތަރުޖަމާ: ޢަބްދުލްމުޢީދު ޙަސަން


ޙައިރާންވަން! ... ޙައިރާންވަން! ...
ޢަރަބީން ތިބި ޙާލާމެދު ޙައިރާންވަން،
ޞިންފުން ޞިންފުން ދިރެނީ ނިކަމެތިކަން،
ބިމުގައި މިވަނީ ރަންވަންތަވި މުއްސަނދިކަން!
ޙައިރާންވަން! ...

އެހެރީ ތެޔޮ ވަޅު ވަޅު ...
މިހިރީ ތާރުން ގުޅަ ގުޅަ،

އަލްމަރުޙޫމު ޔޫސުފު މުޙަންމަދުފުޅު

ބަލަން ނޭދެމުހެ މޮޅު ބުއްދީގެ ސަމުގާ
     އަލަށް ފެށިދާ  ހަޔާތުގެ ދަތުރުތަކުގާ

ވެވޭނޭހޭ ދަތުރު ހަމަ އެކަނި ބަލަމުން،
    ފެވޭ  ކުރެހުންތަކަށް ހުންގާނު މޮއިގާ

އާދަމް ނަޞީރު އިބްރާހީމް/ތޮއްޑޫ (2004)

ކުށެއް ވެވިދާނެޔޭ،  އެހެނަސް  އެކުށް ތަކުރާރު ނުކުރާށޭ!
    އޮށެއްގައި  ފަނި އުޅޭނަމަ   އިންދުމަށް   އެޚިޔާރު ނުކުރާށޭ! 
        ----------------------------------------

އާޅެން:

އާދަމް ނަޞީރު އިބްރާހީމް (2010)

އަހަންނަށް  ވަރަށް އަގުބޮޑު ފުރާނައެއް ލިބިގެންވޭ..
އެއީ އަހަރެންގެ ދިރި ހުރުމުގެ ސިއްރު...
ޙަޔާތުގެ އަސްލު..
އަހަރެން އެ ފުރާނަ ޤުރުބާން ކުރާކަށް ފަހެއް ނުޖެހޭނަން..
އެކަމަކު އަހަރެން އަހަރެންގެ މި  ފުރާނަ ޤުރުބާން ކުރާނީ...

ހަމަ އެކަނި ކަލާޔަށް!