ޢަބްދުﷲ ރަޝީދު މ. ލިނެޓް
فَإِنَّهُ شَمْسُ فَضْلٍ هُمْ كَوَاكِبِهَا
يُظَهِرُنَ أَنْوَارَهَا لِلنَّاسِ فِي الظُّلَمِ
ފަހެ، ކަށަވަރުން މާތްވީ އިރެކޭ ނަބިއްޔާ އީ
صُحُبُ ން، ގުރަހަ ފަދަވީ އެ އިރުގެ ވަށައިވި އެއީ
އަނދިރީ ތެރޭން އަލިކަން ފައުޅުވެ ދެޔޭ ކަތުނަށް
އަނދިރީގެ ކަޅުކަން ފަނޑު ކޮށް ލެއްވި ނޫރު އެއީ
ޢަލީ ޚާލިދު، ފިޔާތޮށިވިލާ، ސ.ހިތަދޫ
ދިވެހިބަސް އަދު ކަރުނަ އަޅަމުން، ހޭހަމަށް އެދި ލޫދެމުން،
ދިވެހި ދީބުގެ ދިމަދިމާއިން ފެންނަނީ ދާތަން ރޮމުން.
އިރަކު، ލިބިފައި އޮތްވިއަސް، ނަލަ ރޫފަޔާ ވަރައެއް، މިއަށް،
ވިރަ ދެ ސޮހި، އަދު ބާރުކެނޑި އެ ދަނީ ނިޒާމުން ގެއްލެމުން.
އަޅިދެލިން މޫނާއި ގައިގައި ކުރަހަމުން އަދު ގިނަ ތިބީން،
މަޅި ހަދައިގެން، ނާށިފަތި އަޅުވައި، ދަނީ ގަން ހިންގަމުން.
ޢަބްދުﷲ ރަޝީދު މ.ލިނެޓް
ރިވެތި ނަންތައް ކޮންމެ ކަމަކަށް ދިވެހި ބަހުގައި ވާނެޔޭ
ދިވެހި "ނަން" "ސަމުގާ"ގެ މިޞްރާބަށް ކިޔައިފައި ވާނެޔޭ
"އަސްތަމާނު" ފަޅިން "ގަހާ" އިން ހުޅަނގުފަޅި ހިމަނައިލުމަށް
ދަސްކުރޭ "ފަރުގަދި" ކިޔައިފައި "ނާސި" "ނާގާ" ވާނެޔޭ
ހަމަ އެއާ ޖެހިގެން ވަނީ "އައްޔޫގު" "ޤާސިލު" އާ "ސިމާގް"
ހަމަ އެހެން ގުޅިގެން "ތުރިއްޔާނު"ގެ ރިވެތި ނަން ވާނެޔޭ
ޢަބްދުﷲ ރަޝީދު، މ. ލިނެޓް
ހުޅަނގު ވިއްސާރައިގެ މޫސުން ފެއްޓެނީ "ކެތި"އިން ކަމުން
އުޅަނދު ފަހަރާ ދަތުރުފަތުރަށް އަސަރުތައް ފޯރާކަމުން
ރާއްޖެއަށް މޫސުން ހިމެނިފައި އޮންނަނީ ދޭކުންކަމުން
ރާއްޖެ ދެކެމުންއަންނަ މޫސުމަކީ "ހުޅަނގު" "އިރުވައި"ކަމުން
ޢަބްދުލްޢަޒީޒު ޖަމާލު އަބޫބަކުރު
މީލާދީ ސަނަތުން 1980ގެ އަހަރުތަކުގެ ތެރޭގައި ނުވަތަ 1990 ގެ ކުރީކޮޅުގެ އަހަރުތަކުގައި އަޅުގަނޑަށް ފާހަގަކުރެވުނީ މާލޭ ހޮތާތަކުގައި ވެއިޓަރުންގެ ގޮތުގައި މުޅިން ވެސް ދިވެހި ޒުވާނުން ހަރަކާތްތެރިވަމުން ދިޔަ ތަނެވެ. އޭރު ބިދޭސީންނަކީ މާ ގިނައިން އެ ފަދަ މަސައްކަތުގައި ޙަރަކާތްތެރި ބަޔެއް ނޫނެވެ. އޭރު ބިދޭސީން އެހާ ގިނައެއް ވެސް ނޫނެވެ. ބިދޭސީން އޭރު ޙަރަކާތްރިވަނީ ފަންނީ އެކިއެކި މަޤާމުތަކުގައި އެކަންޏެވެ. ޓީޗަރުންނާއި ޑަކުޓަރުން ފަދަ މަޤާމުތަކުގައެވެ. ނަމަވެސް ފަހަކަށް އައިސް އާދައިގެ ވަޒީފާތައް ވެސް އެއީ ބިދޭސީ ވަޒީފާތަކަކަށް ބަދަލުވިއެވެ. ކުރިޔަށް ވުރެ ރަނގަޅު އާމްދަނީ ލިބޭނެ އެހެން މަގުތައް ދިވެހީންނަށް ފަހިވީ ކަމަށް ވެސް ވެދާނެއެވެ. އިޤުތިޞާދީ ގޮތުން ރާއްޖެއަށް ކުރިއެރުން ލިބުމުން ވާ ގޮތެއް ކަމަށް މީހުން ކިޔާތީ އަޑު އިވުނެވެ. އެ ކަމާ އެއްޗެކޭ ދަންނަވާކަށް އަޅުގަނޑަކަށް ނޭނގެއެވެ.
ޢަބްދުﷲ ރަޝީދު، މ. ލިނެޓް
ސައިތޯނަކީ އިބިލީސް ޔަގީން، އެކަލޭގެ ބޮޑު ސައިތޯނެކޭ
މައިމަގުކަމަށްވި ޞިރާތުމަގު އޮޅުވައިލި ނަމަ ސައިތޯނެކޭ
ލޮބުވެތިނަބީން ދެއްކެވިގޮތަށް، ގޮތްގޮތްހަދައި އުނިއިތުރުކޮށް
ލޮބުވެތި ރަސޫލުން ދެއްވިފޮތް އޮޅުވައިފި ނަމަ ސައިތޯނެކޭ
ޢަބްދުﷲ ރަޝީދު، މ.ލިނެޓް
އަހަރު ހިޖުރީ ގެނެސް މިދެނީ، ފިލާނެ ހަނދާންތަކެއް ނޫނޭ
ޒަހަރުފަދަ ހިތި، އަސަރުތަކަކާ، ރަހައިފޮނިނެތް ކަމެއް ނޫނޭ
ޤުރައިޝުން ދާރު ނަދުވާގައި، ވެފައި ސައްލާއަކުން ނިންމައި
އުރައިން ކަނޑިތައް ނެރުނު މަންޒަރު، ބަލަން ކުޅަދާނައެއް ނޫނޭ
ނަޖިދު މުސްކުޅިޔަކަށް ހެދިގެން، އެސައްލާޔަށް އައިސް އިބްލީސް
ނަޖިސް ހިތްވަރުތަކެއް ދިނުމީ، ލަފާޒާތުގެ ކަމެއް ނޫނޭ
ޢަބްދުﷲ ރަޝީދު، މ. ލިނެޓް
1- ލައުޙުގައި ލިޔެވުނު ކަމެއް އެގޮތަށް ހިނގައި ނިމިފައި ނުވޭތޯ
ފައުޅުގައި ވެސް ސިއްރުގައި ވެސް އެފަދައިން ކަންކަން ނުވޭތޯ
2- ނޮޅިވަރަންފަރު ޢާއިލާއެއް ދަތުރަކުން ނިމި ދިޔަ ގޮތުން އަދު
މޮޅިވެގެން ކަނދުރާ ނުއެލި ހުރެވޭ ވަރަށްވުރެ ހިތި ނުވޭތޯ
3- ކޮޅިގަނޑެއް ފުރަނަކަތުގައި އައިސް ލާންޗު ބަންޑުން ކޮށްލުމާއެކު
ޢަބްދުﷲ ރަޝީދު މ.ލިނެޓް
ބޭކާރު މަޚުލޫޤެއް މިތާ ނެތްކަން އެނގޭ މީހަކު ނުވޭ
ރޭކައި އެކަން ލައިގެން ރަޙުމު ހިތުގައި ހިނގާ މީހަކު ނުވޭ
ބިމަކީ އިލާހުގެ ބިންކަމާ ބިމުގައި ގަހާގެހި ލައްވަވައި
އިމުގައި އުޅެން އެންގެވި ގޮތަށް ބޯލެނބި މިތާ މީހަކު ނުވޭ
އޮއްޓަރު ގޮވާން މޭވާތަކާ ލެއްވެވި ތަކެތި ހަމަހަމަ ކުރަން
ފޮއްޓަށް ނުލަން އެންގެވިކަމެއް އަމުދުން އެނގޭ މީހަކު ނުވޭ
ސާދުނާ ޢަބްދުލްކަރީމް
ވަން ގޮތެއް އޭނަ މަގޭ ލިސްޓު ތެރަށް ހަމަ ނޭނގުނު
ނަން ފޮޓޯޔާ އެކުގައި ފެނުމުން ވެސް ހަމަ ނޭނގުނު
ކޮށްލުމަށް 'ބުލޮކު' ހިތާ ހަފުތާޔަކު ހުރެލާފައި
ކޮށްލެވުނު އެ ސުވާލެއް ކީއްވެ ކަމެއް ހަމަ ނޭނގުނު
ކާކުތޯ އެހުނު ހިނދުން ބުނެ ދީފިޔެ ސަބުމެ އެކަށް
ތާކު ނެތް ފަދަ މިތުރެއް ކަމުވި ލެކެއް ހަމަ ނޭނގުނު
ސާދުނާ ޢަބްދުލްކަރީމް
ބައްޔާއި ބޭހާ އަދި ޝިފާ، ދެއްވާ ކަލަކު ވޮޑިގެންވެޔޭ
ޙައްޤާއި ބާޠިލް ވަކިކުރާ، ޤުރްއާނުގައިމެ ޝިފާވެޔޭ
ރައްކައުވުމަށް ބަލިމަޑުކަމުން، ފިޔަވަޅުތަކެއް އެބަހުރިމެޔޭ
ﷲ ކިބައިން ރަޙްމަތަށް، އެދި ދެންނެވުން ލާޒިމް ވެޔޭ
ޢަބްދުﷲ ރަޝީދު މ.ލިނެޓް
1- މަޙަލްދީބާއި ބޭދާޅީ ގުޅޭ ކަންކަން ބަޔާންކުރަނީ
ފަހަށް އޮތް ޖީލުތައް ކިޔުމަށް އެކަންކަން ޅެންބަހުން ލިޔަނީ
2- އެރަށް ޚާއްޞަވި ސަބަބު ދިވެހީން ޖެހޭނޭ ސާފުކޮށް ދަންނާން
އެރަށަކީ ބޮޑުތަކުރުފާނުން ވިދަރިވަރު ރަށް ކަމަށް މިވަނީ
3- މި ދޭހަށް ދޭހަވާ ނަމަކީ، އިހުގެ ނަމަކަށްވި ބޭދާޅީ
ބިދޭސީން ކީނަމީ "ބޭޕޫރު" ކަން ރަނގަޅަށް އެނގޭންޖެހެނީ
4- ހުޅަނގު ދެކުނުން ބަނދަރު ރަށެކޭ އެއީ މަލަބާރު އައްސޭރީ
އުޅަނދުތައް ގިނަ އައިސްގޮސްވާ ރަށެއްކަން ސާފުކޮށް އެނގެނީ
ޢަބްދުﷲ ރަޝީދު، މ.ލިނެޓް
ރާގު: ގައުމުން މިއަދު އަލިކޮށްލި ރީތި ނިޝާނާ.....
މިނިވަންކަމީ އަދަބެއް އެއަށް ނެތް ކަންކަމޭ
މިނިވަންކަމީ މަނައެއް ވެފައި ނެތް ކަންކަމޭ
ޝަރުޢީގޮތުން ކަނޑައެޅި މަނާ ޙުކުމެއް ނުވާ
ފަރުޢީ ނުވަތަ ވަޟްޢީ ގޮތުން މަނައެއް ނުވާ
އަރުޟުގެ ޖަމާޢަތަކުން މަނާ ކުރުމެއް ނުވާ
ދަރުބާރަކުން މަނައެއް ވެފައި ނެތް ކަންކަމޭ
ޢަބްދުﷲ ރަޝީދު މ.ލިނެޓް
ޙަމްދާ ޘަނާ ޙައްޤުވި ﷲ ޙަޟްރަތުގައި ޙަމްދާ ޘަނާ އަށްފަހު އަބަދަށަ ދުޢާ ކުރަނީ
ޝަމްސުގެ ޟިޔާއަށްވުރެ އަލިގަދަ ނަބިއްޔާއަށް، ނަމްލަށް ވުރެން ގިނަގުނަ ޞަލަވާތް ވެދުން ކުރަނީ
މަތިވެރިވި އާލުންނާ ޞުޙުބުންމެ ޝާމިލުކޮށް ފަތިހާ ހަވީރު ފިނީ ޞަލަވާތް ވެދުން ކުރަނީ
ދަތިކަން ބިމުން ފިލުމަށް ވާރޭ ތިޔާގި ވުމާ، މަތިވަރު ނިކަން ތަނަވަސް ވެވުމަށަ ދުޢާ ކުރަނީ
އިިރުހަނދު ގުރަހަ ތަރިތައް ހިތްތަކުގެ ރާޙަތުގައި، ދިރުމެއްދެމުން،އުދަވުން އެދިގެން، ދުޢާ ކުރަނީ
ބިރުވެރިކަމާ ނާމާން ހުރިހައި ކަމެއް ނެތިގޮސް، އިރުވައިގެ ވައި ޖެހުމަށަ އެދިގެން ދުޢާ ކުރަނީ
([ފަހެ، ތިމަންރަސްކަލާނގެ ވަޢީދަށް ބިރުގަންނަ މީހަކަށް ޤުރުއާނުން ހަނދާންކޮށް ދޭހުށިކަމެވެ.])
ޢަބްދުﷲ ރަޝީދު މ.ލިނެޓް
ޚިލާފުކަމެއް ފޮތާމެދުގައި ނުވާ ބަސްފުޅުތަކީ ޤުރުއާން
ފިލާވަޅުތައް ބަލައި ވިސްނައި ހިފަންވި ފޮތޭ ވިމާތް ޤުރުއާން
ޚިލާފަތު މާތްވި އުޘްމާނީ ނިމެންދެން ބާރުވެރި އުންމަތް
މިލައި މޯޅިވި ސަބަބު ހޯދަން ހިފަންވި ފޮތޭ ވިމާތް ޤުރުއާން
އިރާ ހުޅަނގަށް ނުފޫޒުގެ ދައު ދަމައިގެން ރޯމަނުން ތިއްބައި
ފިރާލައި ހޮރުހޮރަށް ދުވެދާން ޖެހުނު ގަދަ ބާރަކީ ޤުރުއާން
ސާދުނާ ޢަބްދުލްކަރީމް
ޢިލްމީ ގޮތުން ފެނިފައި އަޅަށް ނުވެޔޭ އެފަދަ ޝަޚުޞިއްޔަތެއް
ޢިލްމުން ލިބޭތޯ ކޯވަރެއް ހުއްޓައި ނުއެދި ދެއްވެވި ހަދެއް
ހަދުގައި ހިފައި ފެންފޮދު ނަގައި އަނގަޔާ ދިމާ ނުވެ އުޅެނިކޮށް
އަދު ދެން ނެތޭ އިތުރަށް ލިބެން ޒައްރެއްގެ ހައި ވެސް މިންވަރެއް
އެކުވެރިކަމާ ހިތްތިރިކަމާ ދެއްވާ އިޖާބަ އަވަސް ވުމުން
އެކުވެރިކަމެއް ދިޔަ އުފެދިގެން މީހާގެ ނުމެ އެނގި އެއްކަމެއް
އާދަމް ނަޞީރު އިބްރާހީމް
ޒިހުނުގައިވީ ލެއްވިފައި އެތަކެއް ދިފާޢީ ފާރެކޭ
ވަހުމުގައި އެ ތަޅައިލުމުން ހެދެނީ އެތައް ރޯ ފާރެކޭ
ވަގުވަގަށް ވެސް ކަތި ބަހެއް ދުލަކުން ފިރާލިތަ؟ އަރިވަނީ
ދޮގުހަދާން ހުރަހެއްކަމަށްވީ ތެދުގެ އުސް ތެދު ފާރެކޭ
އަންވަރު އިބްރާހީމް
ދެވޭ މާބޮނޑިތަކުން އިއްޒަތް ވަހާއެކު އުފުލިދޭ ހެއްޔޭ؟
ރޮވޭ މި ހިތުގެ ޝިކާޔަތު އަޑު އަހާ މީހަކު އުޅޭ ހެއްޔޭ؟
އަތަށް މި ލިބޭ ޝުކުރު ކާޑުގެ އަކުރުތައް ނަލަ ކޮޕީކުރުމުން
ހިތަށް ޅަ ދަރީންގެ ވަދެގެން ގޮސް، ހަގީގީ ލޯބިވޭ ހެއްޔޭ؟
އުޅާ އަދި ޗާލު ފައްޓަރުބައި ނުލާހިކު ރީތި މޭކަޕުގައި
އަޅާ ނަލަ ހެދުމަކުން ފަށުވިން ގަދަރު މަތިވެރި ވެދޭ ހެއްޔޭ؟
އަންވަރު އިބްރާހީމް
މަތިން ބައިން ޖެހި ހުވާކޮށްފައި މަތިން ބާލައި ދިނޭ ތަރި ވެސް
ދެތިން ދުވަހުން ހިތާ ރޫހާ ދެވުނު އަދި އޭގެ އިތުރަށް ވެސް
ވަފާތެރި އުޅުމުގައި ދީންވެރި ވެފައި ހުއްޓަސް އިހަށް ކުށްވެރި
އުފާތައް ލައިދިނޭ މަތިވެރި, ދުނިޔެ އަދި އޭގެ އިތުރަށް ވެސް
ބަދަލުވާ ދާހެދުން ފަދައިން ގަދަރު ކެނޑި ލޯބި ނެތި ހިނދިގެން
ބަދަލުވެއްޖޭ ޙަޔާތް ބެހިގެން އޮޔާލައި އޭގެ އިތުރަށް ވެސް
އަންވަރު އިބްރާހީމް
އިންސާފު ކަރުނަ އަޅަމުން ގައުމުގެ ދެ ލޯ ރުއީމާ
ފުން ވޭނުގައި މި ވޭންތައް ވަޒަނުގެ ހިތުން އެޅީމާ
އަނިޔާގެ ތޫނު ވަކިތައް ގަދަފަދަވެ ބާރު ފެނިފައި
މި ނިޔާ ޢަދުލުގެ ވަޒަނުން މަގުމަތިވެގެން ދިޔައިމާ
އަޑު ރައްޔިތުންގެ ކެނޑިގެން ފަނޑުކޮށްލިހިނދު ނިޒާމުން
ކަނޑުގައި ހިނގާ އުސޫލުން ދުސްތޫރު ބަދަލުވީމާ