ޢަބްދުއްރަޝީދު ޙުސައިން

ޅެމާއި ލަވަޔާ މިއީ އެކައްޗަކަށް ކިޔާ ދެ ނަން ހެއްޔެވެ؟ ނޫނީ މިއީ ތަފާތު ދޭއްޗެއް ހެއްޔެވެ؟ ދިވެހި ބަހުގެ އުސްތާޛު ޝައިޚް މުޙައްމަދު ޖަމީލު ދީދީ، އެމަނިކުފާނުގެ "ޅެމާއި ޅެންވެރިކަން" މިފޮތުގައި ޅެމަކީ ކޮން އެއްޗެއް ކަމާއި ލަވަޔަކީ ކޮބައި ކަމާއި އަދި ޅެމާއި ލަވައިގެ ތަފާތު ވިދާޅުވެ ދެއްވައިފައި ވެއެވެ.

އަލްމަރުޙޫމު ޔޫސުފު މުޙަންމަދުފުޅު

1- ނުހަނު ހިތްގައިމު ހެދުމެއް ސައްތަ ރުފިޔާއަށް އަލަށް ލިބިދޭ
     ނުހަނު ދޯހަޅި ފޮތީގެ ދެތިން ހެދުން މި އަގަށް އެކަނި ލިބިދޭ

2-  ވި އަލި ކޯރާ ހަނޑޫ ބަސްތާއަކަށް ދުއިސައްތަ ހޭދަ ކުރާ
     މި އަގު ދީފާ ފަޑަށްކަ ހަނޑޫ   ދެ ބަސްތާ  ނީލަމުން ލިބިދޭ

 

 

 

އާދަމް ނަޞީރު އިބްރާހީމް (2013)

ލޯބި، އިންސާނާ ގޮވައިގެން އުދުހިގެންދޭ އުޑުތަކަށް
   ލޯބި، އިންސާނާ ގޮވައިގެން  ފީނަޔޭ  ފުން ކަނޑުތަކަށް

ލޯބި، އިންސާނާގެ ކަނދުރާ ދިއްކުރޭ ވިހަ ކަނޑިތަކަށް
    ލޯބި،  އިންސާނާގެ  މޭ ކުރިމަތި  ކުރޭ  ބޮޑުބަޑިތަކަށް

މޫސާ ޙަސަން- ނޫރަލީވިލާ ހދ.ކުމުންދޫ

ދެވުމާއެކީ އައްސޭރިއަށް ފެނުނޭ ނިކަން ރީތިވި އޮށެއް
     ހެވުމާއެކީ  ނެގުނީ   އަތަށް  ހުރުމާއެކީގައި  އޮފުކަމެއް

ގެނައީ ގެއަށް އުފަލާއެކީ  ދައްކާލުމަށް ގޭ މީހުނަށް
     ގިނައިރުތަކެއް ނުވަނީސް މިއޮށް އިންދާށެވީ ބެލުމަށްގޮތެއް

 އާދަމް ނަޞީރު އިބްރާހީމް (2013)

ބުދަށް އަޅުކަން ކުރާ މީހުން، މިހާރަކު ވަކި މަދެއް ނޫނޭ
     ނުދަންނަންޏާ މަ ބުނެދެންހޭ  އެ މީހުން ވީ ދުރަކު ނޫނޭ

ވަޔާ މޫސުން ބަދަލުވީމާ، ކިޔާ ތަސްބީޙަ އާ ކޮށްފައި،
     ފަޔާ ނިތްކުރި އެހެން އަތަކަށް ފިރާނީ އެ ފަދަ ސޮހޮލުންނޭ

                   
ކަނީރު
         
ނެތިއްޖެ ހިއްވަރު ޖޯޝާ  ދިވެހިފަޚުރު ހިތުގައި
ފެތިއްޖެ ހުރިވަރުކޮޅު ހުސްވެ  ފުން މި ވިސްނުމު ގައި
ހިތާމަޔާ ފިކުރާ ހާސްވެ ކަން ބޮޑުވެ   ނިތުގައި
ގިތާވެ ހަތަރު ފަށުގެ ރޫ   ދެމިއްޖެ  މި އަވައި  ގައި
މިވާގޮތާ  ވިގޮތާ  ވާނެގޮތް  އޮޅުން  ނުފިލައި
ދުވާލު ރޭވެ އަނދިރި  އަލި ވަނީ  މި  ގިސްލުމު ގައި
މިއައިއުސޫލު މިހެން މުޅި ދުނިޔެ ނުރައްކަލު ގައި

އިސްމާޢީލްޢަލީ ރ.ކަނދޮޅުދޫ

ކަލާ ވަކިވެ ދިޔައީ ހުރިހާ އެއްޗެއް ހިފައިގެންނެވެ.
މިހާރު ނިދާ ހިތެއްނުވެއެވެ.ނިދި ލޮލާއި ރުޅިބުނެފިއެވެ.
މިހާރު ކާހިތެއްނުވެއެވެ.ބަނޑު އެކަމާއި އެއްބަހެއްނުވިއެވެ.
މިހާރު ރީތި ހެދުން ލާހިތެއްނުވެއެވެ.ބަލާނެ މީހަކު ނެތީމައެވެ.
މިހާރު ކުރާ ހިތްވާ އެއްކަމެއް އެބައޮތެވެ.
ކަލާ ހަނދާން ކުރުމެވެ.

 
ކަނީރު  ޢަބްދުއްރަޙީމް
                     
     ޣައްފާރު ޔާ! ރަޙީމް ސަލާމަތް ކުރައްވަވާ
                          ކުށް ފާފައިން އަޅާ އަބަދުމެ ދުރު ކުރައްވަވާ
      މަރުމަތި އަމާންވެ ކަށްވަޅު އަލި ކުރައްވަވާ
                          ޢަރުޝީގެ ފިނިހިޔާ މަޙުޝަރުދުވަހު ދެއްވަވާ
      ބެއްލެވުމުގައި އަޅާގެ ހިސާބުލުއިކުރައްވަވާ
                         ގެއްލެނި ކުރައްވަވާ  ބައިގައި ނުހިމަނުއްވަވާ

އާދަމް ނަޞީރު އިބްރާހީމް (2006)

ކާފަމެން އަތްބައްތި ފުމެ ނިއްވާލިތަން އެއް އަރިމަތިން
            ސާފުކޮށް ފެނުނޭ އަހަރެމެންނަށް  ދިމާ   ލޯ ކުރިމަތިން،

އޭރު މިގެ މީ ފަންފުރާޅެއް   ހަތަރު މުޑިޔަށް ބަރުކުރާ،
            ބޭރު ބިތުގައި ވޭ ވަށައިގެން ތިންރެހަށް ފަންބަރި ދެތިން،

އާދަމް ނަޞީރު އިބްރާހީމް

ކަލާ އައުމުން ހިތަށް މި ލިބޭ އުފާ ކިހިނެއް ބަޔާން ކުރަނީ
    ބަލާން ހުއްޓައި ލޮލާ މާ ދުރުދުރަށް ނިދި ވެސް އެ ގޮސް އޮބަނީ

އަރާމުގެ ރީތި މަޑު ތަންމަތިތަކަށް ލެނބިފައިވި މޮޔަ ހިތް ވެސް،
    ހަރާމޭ ބުނެ މި ހުރިހައި ވަހުމުތައް،   ވަގުތުން   ބަރީއަ ވަނީ

އުތީމު އާދަމް ޢަބްދުއްރަޙްމާނު

ރޭގަނޑަށް އުށް ބައްތި ހުރެގެން ހަތަރުދަމު އެބަހަރަ އަނދާ
            އޭގެ އަލިކަމުގައި އެތައް މީހަކު މަޖާކޮށް ހީނ ހަދާ

ހީކުރޭ އަދި މަޑުމަޑުން އުށް ބައްތި ހުރެ ބުނަމުން ދެޔޭ
             މީ ކިހާ ބޮޑު ޚިދުތެއްހޭ ކޮށްދެވޭ   ބަޔަކަށް ނިދާ

ކޮންމެ ރެޔަކަށް އޮއްސުމުން އިރު މި ގޮތުގައި ވިރެމުންދަމޭ
              އޮންނަނީ ލިބުމޭ  މަށަށް އަބަދާ އަބަދު ވޭނާ ތަދާ

ތާކުގައި އެއްވެސް އެހެން މި ކަހަލަ ވަފާތެރި ޚިދުމަތެއް
              ކާކުބާއޭ ދޭ ހުރީ މި ގޮތަށް ކޮޅަށް ހުރެ ނުމެ ނިދާ

އާދަމް ނަޞީރު އިބްރާހީމް (2012)

ނޯޓު: މި ޅެން އެކުލަވައިލެވިފައި މި ވަނީ [ސަބްކުޗް ލުޓާކެ ހޯޝުމެ] (1957). މި ރާގުގެ ވަޒަނަށެވެ.

މީ ބިންމަތީގެ ސުވަރުގެޔޭ ޞުލްޙަވެރި އަމާން
     މީ އުޚުތުނާ  އަޚުންނޭ   ހެކިވާނެޔޭ    ޒަމާން

އާދަމް ނަޞީރު އިބްރާހީމް (2012)

ފިނި ވަޔާ އެކު ފަޖުރު ލީމާ، ފޮނި ނިދިން ލޯ ހުޅުވިލީމާ
    ތުނި ހިތުން ޙަމްދަށް ފެށީމާ، މިނިވަނެއް ނޫން ހޭ މި ގޮތް  މާ

ދޫނިތައް ފަދައިން އުދުހިދާ، ދޫނުކޮށް ހެޔޮ ރިޒުޤު ހޯދާ
    މޫނުތައް ލޯބިން ވިދަވިދާ،    މިނިވަނެއް ނޫން ހޭ މި ގޮތް މާ

އާދަމް ނަޞީރު އިބްރާހީމް (2012)

މަންމައަކު އޭނާގެ ލޮބުވެތި ދަރިފުޅާ މެދު ވިސްނަމުން
       ގެންނަ އުންމީދުން ދެޔޭ މުޅި  ހިތުގެ  އުދަރެސް  ދިއްލެމުން
                 ===000===000===000===

މެދު އުޑުން ކަޅުފޮއި ރެޔެއްގައި ތަރިތަކުގެ ލަޝްކަރު މެދުން،  
        ހަނދުގެ ބުރުގާ    ކަޝްފުވާހެން   އެދެވެޔޭ   ދަރިފުޅު ވިދުން

އާދަމް ނަޞީރު އިބްރާހީމް (2012)

ޤައުމަށްޓަކާ ފުރާނަ ދޭން އަހަރެން  ފިސާރި  ބިރުގަނޭ
        ޝައުޤާ އެކީ ފިދާވެދާން    ޖެހިލުންވެ ހާސްވެ  ބިރުގަނޭ
               ----- ------

އަޙުމަދު ރިޔާޒު
 
ފުރި ދެލޯ ދާހިނދުގާ ކަރުނައިން     
        ހުރި ހިތުގެޙާލު ކުރަމޭ ބަޔާން
                ކުރި އެތަކެއް އުއްމީދު ލީމާ އޮޔާ
                        ފުރިއުތުރެނީ އެތަކެއް ސަޒާ ގުޅިލެޔާ

އާމިނަތު ނާޒްނީ، ތ. ހިރިލަންދޫ

ދުވަސް މާޒީގެ ވާ އެހަނދާން އުޅުނު ލޯބީގެ ރަންވި ޒަމާން
                  ނުވަން ދެގޮތެއް ތިލޯބީގައި  ކުރިން  އުންމީދު  މިލްކެއްވުން
ފެނުނު ފުރަތަމަ އެ ނަޒަރުންވެސް މަގޭ ހިތް ކަތި ތިބާ ކޮށްލީ
                  ދިނުން ލޯބިން މަގޭ މުޅި ހިތް  ތިބާއަށް އަދު މި ނިންމައިލީ

ޙަސަން ޒާހިރު (ޢަންދަލީބު)

ނުވަމަސްދުވަހު  ގަދަވޭނުގައި،  "ހަށިފާރަ" އަށް   ހުސްވެސްވެފައި
             ނުވަ އެއް ދުވަސް  އިތުރަށް  ބަލާ،  މަންމާ  ތިއީ  ކެތްތެރިއެކޭ

ވިހުމުން   އެވާ ގާތްކަން  ބޮޑޭ،   ކަންނެތްވުމެއްނެތް  ބެލުމުގައި
             ވިހުމުން   ލިބޭ     އުފަލާއެކީ،   ދެގޮތެއްނުވާނެ    މިސާލެކޭ

ޙަސަން ޒާހިރު (ޢަންދަލީބު)

މަލެއް   ހަމަ  ފޮޅިލުމާއެކުގައި، މަލަށް  އާދޭ  އެތައް  މާބުރު
             މަލެއް  ވަސްނެތި  މިލައިދިއުމުން، މަލަށް ނާދޭ ހިލާ މާބުރު
ކަމެއް  އެދިގެން  އުޅޭއިރުގައި ،  ގޮވައި އެކުވެރިވެލައި  ހަދަޔޭ
             ނަމެއް ހަމަ ލިބި އުހަށް އެރުމުން،ފިތޭއިރުގައި ނުވެސް ދަނެޔޭ
ނާގާނަމަ  ޣައިބުވެވި   ހުރެގެން   ވަގެއްވޭ   ޚާދިމެއްކަމުގައި
             ނާގާ  ބިތުފަންގި ދުވަހުންނޭ،  ވަނީ  ޚާދިމު  ވަގެއްކަމުގައި