ޒަމާނުއްސުރެ ޢިލްމުވެރިންގެ މެދުގައި އިޚުތިލާފު ހުރި މައްސަލަތަކެއް އެބަހުއްޓެވެ. އެފަދަ އެއްމައްސަލައަކީ ތަޤުލީދުގެ މައްސަލައެވެ. މިމައްސަލައަކީ އަޅުގަނޑުމެންގެ ތެރޭގައި ވަރަށްގިނަ މީހުން މިއަދުވެސް ބަޙުސްކޮށް ދިރާސާކޮށްއުޅޭ މައްސަލައަކެވެ. މިސަބަބަށްޓަކައި މިމަޢުޟޫއަށް ނަޒަރު ހިންގުން މުހިއްމުކަމަށް ފެންނާތީ މިމަޒުމޫނުގައި ބަލައިލާނީމިމަޢުޟުއަށެވެ. ޢިލްމުވެރިންގެ ވާހަކަފުޅުތަކުގެ އަލީގައި މިމަޢުޟޫއަށް އިންސާފުކުރާނަމެވެ.
މުސްލިމުންނާ ދެކޮޅަށް އެބައިމީހުންގެ ޢަދާވާތްތެރިއަކު ހަނގުރާމަ ފަށައިފިނަމަ އެހިސާބުން މުސްލިމުންގެ ވެރިޔަކަށް ހުންނެވި ފަރާތަކުން ﷲގެ މަގުގައި ޖިހާދު ކުރުން އިޢުލާނު ކުރަންވާނެއެވެ. މީގައި އެދެވިގެންވަނީ ފަރުޟު ކިފާޔަތެއްގެ ގޮތުން ހަނގުރާމަ ކުރަންޖެހިފައިވާ ފަރާތްތަކުން ﷲގެ މަގުގައި ޖިހާދުކުރުމަށް އައުމަށެވެ. އެގޮތުން އެންމެ އައުލާކަން ބޮޑުވެގެންވަނީ އެންމެގާތުގައި ތިބިބަޔަކަށެވެ. ދެން އެންމެ ގާތުން ޖިހާދަށް އައުމަށެވެ. މިގޮތަށް ގޮސް އޭގައި އެންމެހައި މުސްލިމުން ޝާމިލުވާ ދަރަޖައަށް މިކަން ފުޅާވެގެންދާނެއެވެ. އެހެންވެއްޖެނަމަ އެހާހިސާބުން އެކަން ބަދަލުވެގެންދާނީ ބާލިޣުވެ ބުއްދިފުރިހަމައަށް ހުރި ހަތިޔާރު އުފުލުމުގެ ކުޅަދާނަ ކޮންމެ މުސްލިމެއްގެ މައްޗަށް ޢައިނިއްޔަ ފަރުޟެއްގެ ގޮތުން ވާޖިބުވެފައިވާ ކަމެއްކަމުގައެވެ. އޭރުން ޢަދާވާތްތެރިންގެ ޢުދުވާން އިސާހިތަކު ނިމިގެންދާނެއެވެ. 
ހައްދުފަހަނައަޅާ ދިއުމާއި ލުއިފަސޭހަ ކުރުމަކީ ފައިސާ ފޮތީގެ ދެފަރާތް ކަހަލަ ކަމެކެވެ. މިދެކަމަކީވެސް އިސްލާމުންގެ މައްޗަށް ނުރައްކާވެފައިވާ ކަމެކެވެ. އަދި މިދެކަމަކީވެސް ދީނަށް ގެއްލުން ކުރިމަތިކުރާ ކަންކަމެވެ. އިސްލާމްދީނަކީ ހަރުކަށިކަމާއި ލުއިފަސޭހަކަމާއި ދެމެދުގައި އޮންނަ ދީނެކެވެ. ނުވަތަ އެހެން ޢިބާރާތަކުން ދަންނަވާނަމަ މެދުމިންވަރުގެ ދީނެކެވެ. ﷲ ވަޙީކުރައްވާފައި ވެއެވެ. (وكذلك جعلنا كم أمة وسطا ) (البقرة 143 ) މާނައަކީ:" ތިޔަބައިމީހުންނަކީ މެދުމިން އުއްމަތެއްކަމުގައި ތިމަން ﷲ ތިޔަބައިމީހުން ލެއްވެވީމެވެ." އެކަމަކު މިތާގައި މިކުރާ މެދުމިންވަރަކީ ކުޅިވަރުގައި މިބަލާފަދަ ކަމެއްގެ މެދެއް ނޫނެވެ. މީގެ މާނައަކީ މިއުއްމަތަކީ ޢަދުލުވެރި ޙައްޤަށް ނަޞްރުދޭ ޙައްޤުގައި ތިބި ހެއުކަމާއި އިޞްލާޙަށް ގޮވާލާ އުންމަތެކެވެ. އިބްރާހީމް އަޙްމަދުހައްދު ފަހަނައަޅާ ދިއުމުގެ މަޡްހަރުތަކުގެ ތެރޭގައި އިންސާނާ އޭނާގެ މުޖުތަމަޢަކީ މިސާލީ މުޖުތަމަޢެއްކަމުގައި ޚިޔާލު ކުރުން ހިމެނެއެވެ. އެފަދަ މީހަކު ހީކުރަނީ މުސްލިމު މުޖުތަމަޢަކީ މަލާއިކަތުންގެ މުޖުތަމަޢެއް ފަދަ މުޖުތަމަޢެއް ކަމުގައެވެ. މުޖުތަމަޢުގައި އޮންނަންވާނީ ލޯތްބާއި އޯގާތެރިކަމާއި ކިޔަމަންތެރިކަމާއި މިކަންކަން ފުރިހަމައަށެވެ. މިހާރުގެ މުޖުތަމަޢަކީ މިފަދަ މުޖުތަމަޢެއްނަމަ މިއީ މިސާލީ މުޖުތަމަޢެކެވެ. މުޖުތަމަޢުން ކުށްފާފަ ފެންނަނަމަ އެމުޖުތަމަޢަކީ އިސްލާމީ މުޖުތަމަޢެއްނޫނެވެ. އެއީ ޖާހިލީ މުޖުތަމަޢެކެވެ. މިއީ ކަމެއް ސިފަކުރުމުގައި ހައްދު ފަހަނައަޅާ ދިއުމެވެ. އަދި ޙަޤީޤަތާ ދުރުވުމެކެވެ. ފަހެ އިންސާނާއަށް އިންސާނެކޭ ކިޔުނީ އޭނާ ހަނދާންނެތޭލެއް ގިނަކަމުންނެވެ.