ފާގަތިކަމާއި ތަދުމަޑުކަމުގައި އިންސާނާގެ ޙާލަތު (2)
1 ސެޕްޓެމްބަރު (އަންގާރަ)އާ ގުޅޭ..
އިބްރާހީމް ރަޝީދު މޫސާ
ޔޫނުސް ސޫރަތުގައިވާ ފަދަ ބަސްފުޅުތައް ކީރިތިޤުރްއާނުގެ އެތައްއާޔަތްތަކެއްގައި އައިސްފައިވެއެވެ. މި ބަސްފުޅުތަކުގެ ތެރޭގައި މި ދަންނަވާ ބަސްފުޅުތައް ވެ އެވެ.ހ- قُلْ مَن يُنَجِّيكُم مِّن ظُلُمَاتِ الْبَرِّ وَالْبَحْرِ تَدْعُونَهُ تَضَرُّعًا وَخُفْيَةً لَّئِنْ أَنجَانَا مِنْ هَذِهِ لَنَكُونَنَّ مِنَ الشَّاكِرِينَ - الأنعام: ٦٣ " ކަލޭގެފާނު ވިދާޅުވާށެވެ! އެއްގަމާއި،ކަނޑުގެ އަނދިރިތަކުގެ ތެރެއިން ތިޔަބައިމީހުން މިންޖުކުރާނީ ކާކު ހެއްޔެވެ؟ މަޑުމޮޅިކަމާއި،ވަންހަނާގޮތުގައި ތިޔަބައިމީހުން އެކަލާނގެއަށް ދުޢާކޮށް ދަންނަވަމުއެވެ. ހަމަކަށަވަރުން، އެކަލާނގެ ތިމަންމެން މި ކަމުން ސަލާމަތްކުރައްވައިފިނަމަ، ޝުކްރުވެރިވާމީހުންގެ ތެރެއިން ހަމަކަށަވަރުން ތިމަންމެން ވާހުށީމެވެ. "
ޢާލަމްތަކުގެ ވެރި މާތްﷲގެ ޙަޟްރަތަށް ޙަމްދު ހުއްޓެވެ. އެކަލާނގެ ރަސޫލާ މުޙައްމަދުގެފާނުގެ މައްޗަށް އެކަލާނގެ ޞަލަޥާތާއި ސަލާމް ލައްވާށިއެވެ! އާޚިރަތުގައި ކާމިޔާބާއި ނަސީބު ލިބުންހުރީ ތަޤްޥާވެރިންނަށެވެ.
ރަމަޟާންމަސް އަޅުގަނޑުމެންނާ ބައްދަލުކުރިއިރު އެމަހާ ބައްދަލުކުރުމަށް އަޅުގަނޑުމެން ތައްޔާރުވިންތޯއެވެ؟ އެމަހާ އަޅުގަނޑުމެން ބައްދަލުކުރާނީ ފަހެ ކިހިނަކުންތޯއެވެ؟ ކޮންޙާލަތެއްގައިތޯއެވެ؟ ޢިލްމުވެރިން ވިދާޅުވަނީ މުސްލިމުން ރަމަޟާން މަހާ ބައްދަލުކުރަންވާނީ ނަޞޫޙު ތައުބާއަކުން ތައުބާވެގެންވާ ޙާލުގައި ކަމުގައެވެ. އަދި ﷲ ތަޢާލާ އަޅުގަނޑުމެންގެ މައްޗަށް ޙަރާމްކުރެއްވި އެންމެހާ ކަންތަކުން ދުރުވެ ރައްކާތެރިވެގެންވާ ޙާލުގައެވެ. އަދި ހަމައެފަދައިން ﷲ ތަޢާލާގެ ޙަޟްރަތަށް ކުއްތަންވެ އެކަލާނގެ ޙަޟްރަތަށް ރުޖޫޢަވާ ޙާލުގައެވެ. ހުރިހާ ވަގުތެއްގައި އަދި ހުރިހާ ޙާލަތެއްގައިވެސް އުރެދުމާއި ފާފައިން އެއްކިބާވެގެން ތިބޭ ޙާލުގައެވެ. ޚާއްޞަކޮށް ރަމަޟާން މަހަކީ ރަޙްމަތާއި ފާފަފުއްސެވުމާއި ނަރަކައިން މުއްތި ކުރެއްވުމުގެ މަސް ކަމުގައި ވާތީއެވެ. މާތްﷲ ވަޙީކުރެއްވިއެވެ. (يَأَيُّهَا الَّذِيْنَ آمَنُوْاتُوْبُوْا إِلَى اللهِ تَوْبَةً نَصُوْحًا ) މާނައީ: "އޭ އީމާންވެއްޖެ މީސްތަކުންނޭވެ! ތިޔަބައިމީހުން ﷲގެ ޙަޟްރަތަށް ތެދުވެރިކަމާއެކު ނަޞޫޙު ތައުބާއަކުން ތައުބާ ވާހުށިކަމެވެ." 
ފޮނުވީ: އެމް