ފެތުރިފައިވާ މޫތައް: މި ޢަޤީދާގެ ޚާއްޞިއްޔަތު.
ލިޔުނީ: އަލިފުޝީނު
ޢަހްމަދު ޝަމީނު ދޮންމަނިކު،
ފިނިވާގެ އއ.ތޮއްޑޫ
ހަނދުމަފުޅުކޮށް އެރުވުމެއް
ތިޔަ ބޭފުޅުންގެ އިޒުނަ ފުޅާއެކު، މި މައުޟޫޢުގެ ފުރަތަމަ މަޒުމޫނުގެ ކުރުކުރު ހަނދުމަފުޅުކޮށް އެރުވުމަކުން މި ފަހަރުގެ މައުޝޫއާ ހަމަޔަށް ދަތުރު ކޮށްލާނަމެވެ.
އަޅުގަނޑުމެން އެންމެންވެސް މިތިބީ ނިކަން ހިޔާބޮޑު، ފެތުރިފައިވާ، ބިޔަ ގަހެއްގެ ދަށުގައެވެ. އަތްގުޅިނުކާހާ ފަލަ މިގަސް ތިންކަތްޕަށް އަފިވެ ކޮންމެ އަތްޕެއް ގައި ސުމާރެއްނެއްހާ ގިނައިން ގޮފިންގޮފިޖަހައި އެއިން ކޮންމެ ގޮފިގަނޑެއްގައި ބެދިގެން ފަތްފަޅާފައިވެއެވެ. މިގަހުގެ މޫތައް ބިމުއަޑިން، އެކިފަރާތްފަރާތަށް ދުވެ ފެތުރި ފުނަށްފައިބާ ބިމުގައި ނިކަން ރަނގަޅަށް ހަރުލާފައިވެއެވެ.