ހިނގާރާއި ކާކިބާ
މުޙަންމަދު ޝާހިދު ޙަލީމް (2001)
ރޯދަމަހަކީ ވެސް އަޖައިބެއް ކަހަލަ މަހެކެވެ. އެހެން މަސްމަހު ކައިބޮއި ހަދާ ގިނަ ވަގުތުގައި، ރޯދަމަހު މި ތިބެނީ ނުކައެވެ. އަނެއްކޮޅުން ރޯދަމަހު ކައިބޮއި ހަދާ ކުޑަ ވަގުތުކޮޅުގެ ތެރޭގައި، ބައެއް މީހުން، އެހެން މަސްމަހު ކައިބޮއި ހަދާ ވަރަށް ވުރެން ގިނައިން ކައިބޮއި ހަދައެވެ. އަދި އެހެން މަސްމަހު ކެއިންބުއިމަށް ޚަރަދުކުރާ ވަރަށް ވުރެން ބޮޑަށް ޚަރަދުކުރެއެވެ. ރޯދަމަސް ވެފައި މި އޮންނަނީ، ދުވާލު ނުކައި ހައިބަނޑަށް ތިބުމުގެ މަހަކަށް ވާ ފަދައިން، ރޭގަނޑު ތަފާތު ވައްތަރުގެ ކެއިންބުއިންތަކުން ބަނޑު ފުރައިލާ މަހަކަށެވެ.