އިބްރާހީމް ރަޝީދު މޫސާ

(20 .05. 2020 ގައި ޝާއިޢުކުރި ބަޔާ ގުޅޭ)

390. ރަސޫލާ ﷺ ޙުނައިނަށް ވަޑައިގެންނެވީ އެކަލޭގެފާނު މައްކާގައި ހުންނަވަނިކޮށް ހަވާޒިން ޤަބީލާގެ މީހުން ރަސޫލާއާ ދެކޮޅަށް ހަނގުރަމާކުރުމަށް ފައުޖުތައް ޖަމާ ކުރަމުންދާ ޚަބަރު ލިބިވަޑައިގަތުމުންނެވެ. 

391. ހަވާޒިނުން ރަސޫލާއާ ދެކޮޅަށް 20 ހާސް މީހުން ޖަމާ ކުރިއެވެ. އެމީހުން ރަސޫލާއާ ދެކޮޅަށް ނުކުތީ އަންހެނުންނާއި ކުޑަކުދީންނާއި އެމީހުންގެ ޖަމަލުތަކާއި ގެރިބަކަރިތައް ފަދަ މުދާތަކާއެކުގައެވެ. ހަވާޒިނުންގެ ވެރިއަކަށް ހުރީ މާލިކު ބިން ޢައުފެވެ.