އެޕްރީލް ފޫލް: މިއީ ދޮގެއް ނޫން(2)
އަޙްމަދު ޢަބްދުﷲ ސަޢީދު
ތުއްތުކުދިން މަސަލަސްކުރުމަށް ދޮގުހެދުން:
ދޮގު ހެދުމުގެ ނިޔަތުގައި ނޫން ނަމަވެސް، ބައެއް ފަހަރު ކުޑަކުދިން މަސަލަސްކުރުމުގެ ގޮތުން ވެސް ބައެއް މީހުން ދޮގުހަދައެވެ. ދަރިފުޅު ރޯން ފެށީމާ، އެކަން ހުއްޓުވުމަށްޓަކައި، އެވެނި ކަމެއްކޮށްދޭނަމޭ، މިވެނި އެއްޗެއް ދޭނަމޭ ބުނަ ކުދިން މަސަލަސްކުރެއެވެ. އަދި ކުޑަކުއްޖަކު ދުރުގައި ހުއްޓާ ތިމާ ކައިރިއަށް އެ ކުއްޖާ ގެނައުމަށްޓަކައި މިއޮތީ އެވެނި މިވެނި އެއްޗެކޭ، އަންނާށޭ ވެސް ބުނެވެއެވެ.
ކޮންމެ މަގްސަދެއްގައި ކުރިކަމުގައި ވިޔަސް، އެފަދައިން ބުނުމަށް ފަހު، އެ ބުނާ ކަމެއް ނުކޮށްދީފި ނަމަ، ނުވަތަ އެ ބުނި އެއްޗެއް ގަނެނުދީފި ނަމަ، އެވާނީ ދޮގަކަށެވެ.