"އަހަރެންގެ ދަރިފުޅު އެއްގޮތަކަށްވެސް ފޮތް ކިޔާ ހިތެއްނުވޭ" ކިހިނެއް ހަދާނީ...؟
އާމިނަތު ޝާފިޔާ އާދަމް
މިއީ ވަރަށް ޢާއްމުކޮށް ދޭދޭ މީހުންގެ މެދުގައި އެމީހުންގެ ދަރިންގެ ކިޔެވުމުގެ ވާހަކަ ދައްކާއިރު އިވޭ އަޑުތަކެކެވެ. މައިންބަފައިންގެ ޝަކުވާއެކެވެ. ދަރިން ފޮތްކިޔާހިތް ނުވާ ވާހަކައެވެ. ބެލެނިވެރިންގެ ބައްދަލުވުމަކަށް ދިޔަސް މުދައްރިސް ބުނުއްވަނީ ދަރިފުޅު ލައްވާ ގިނައިން ފޮތް ކިއުއްވާށޭއެވެ. އެހެން އެކަން ކުރާނެ ގޮތެއް ވަރަށް ގިނަފަހަރު އޮންނަނީ ނުހޯދިފައެވެ. ފޮތް ކިއުއްވާނީ ކިހިނެއް ހެއްޔެވެ؟ "ފޮތް ގަދަ ކަމުން ނުކިއުއްވޭނެ ނޫންހޭ" ބައެއް މީހުން ބުނާނެނެއެވެ. އަނެއްބައަކު ހާދަ ފޮތެއް ގަނެވެސް ދެމޭ ބުނާނެއެވެ. މިނޫން މީހުން ބުނަނީ ކިހާ ވަރަކަށް ހޭ ފޮތް ކިޔާށޭ ބުނަނީ މިފަދަ ވާހަކަ ތަކެވެ. ތެދެކެވެ. ކުދިންލައްވާ ގަދަކަމުން ފޮތް ނުކިއުއްވޭނެއެވެ. ފޮތް ކިއުއްވޭނީ ފޮތް ކިއުމަށް ހިތް ޖައްސުވައިގެންނެވެ.