ބިންމާ އިބްރާހީމް ވަޙީދު
ކަމެއްގެ އުނދަގޫ އިހްސާސް ކުރެވޭނީ، އެ ކަމެއް ދިމާވެގެން އުޅޭ މީހަކަށް އެކަންޏެވެ. އަހަރެންގެ ގައިގަ އަޅާ ވޭން އެނގޭނީ ކާކަށް ހެއްޔެވެ؟ ހަށިގަނޑުގެ ބޭރުން ޒަޚަމް ފެންނަ ނަމަ، ދުނިޔެ ވެސް އަހަންނާ އެކުގައި ރުއީހެވެ. ރައްޓެއްސެއްގެ ގާތުން އެހީއަކަށް އެދެވޭކަށް ވެސް އަހަންނަކަށް ނެތެވެ. ކޮންމެ ދުވަހަކު އަހަރެން ހީކޮށްގެން ހުންނަނީ، ކޮންމެވެސް ރަނގަޅު ގޮތެއް އަހަންނަށް މެދުވެރިވާނެ ކަމަށެވެ. އެހެން ހުއްޓައި އިރު އޮއްސެނީ އެވެ. އަނެއްކާ އަނެއް ދުވަހަށް އިރުއަރަނީ އެވެ.