ފާޠިމަތު އަނޫޝާ ، ނީލްވިލާ/ ށ.ފުނަދޫ
އަހަރެންގެ ހަޔާތަށް މިފަދަ ދުވަހެއް އަތުވެދާނެކަމަށް ރައްޓެއްސެއް ކީއްކުރަން! ތިމާގެ މީހަކުވެސް ހިޔެއް ނުކުރެއެވެ. އެންމެންވެސް ހީކުރީ އަހަރެން އެންމެ ކުރިއެކޭ އެއްގޮތަށް އެމީހުންގެ ހަޔާތަށް އުފާވެރިކަމުގެ ވޮށް ދިއްލައިދީފައި ބަހައްޓާނެ ކަމަށެވެ. އަހަރެންވެސް ބޭނުންވީ އެގޮތެވެ. ނަމަވެސް ތަޤުދީރު އެކަމަކާއި އެއްބަހެއް ނުވިއެވެ. އެހެންކަމުން އަހަރެންގެ ޙަޔާތަށް ބާރުގަދަ ޠޫފާނެއްގެ ވައި ޖެހެން ފެށިއެވެ. ކަޅުވިލާތަށް ގިނަވާން ފެށިއެވެ. އެއާއެކު އުފާވެރިކަމުގެ ވޮށުގެ އަލި މަޑުމަޑުން ފަނޑުވަމުން ދިޔައެވެ. ޠޫފާން ނިމިގެންދާއިރު ދާނީ އެވޮށް ނިއްވާލާފައޭ ހީވާ ކަހަލަ އެވެ.