އަޑުއެހުމަކީ، އަނެކުންނާ މުޢާމަލާތުކުރުމުގެ އެއްބައެވެ. އެއީ މާތް އަޚުލާޤީ ސިފައެއް ވެސް މެއެވެ. އެހެން މީހުން ދެނެގަނެވޭނީ އެހެން މީހުން ދައްކާ ވާހަކަ އަޑު އަހައިގެންނެވެ. ތިމާއާމެދު އަބަދު ނުވިސްނައި އެހެންމީހުންނާމެދު ވިސްނުމުގެ ފުރުޞަތު އޮންނާނީ ވެސް އެހެން މީހުން ދައްކާ ވާހަކަ އަޑު އަހައިގެންނެވެ. 
ބައްތެލި މާލެ ދާން ފުރުމުން އެގޭމީހުން ދެދުވަހު ނިދީއެވެ. އޭރު ބޮޑު ފާތިހާ ދުވަސް އޮތީ މާޟީވެފައެވެ. މުދިން ތައްޚާނު ބުނުއްވީ ކަންދިމާވި ގޮތުން ތަންކޮޅެއް ފަސްވިއަސް ފާތިހާއަށް ކެއްކުން ރަނގަޅު ކޮށްލައިފިއްޔާއި އެކަންތައް އޮންނާނީ ރަނގަޅުވެފައެވެ. ދެން ތިންހަތަރު ދުވަހުއްސުރެ ކުރި މަސަތްކަތުން މިރެއަކީ ފާތިހާއަށް ކެއްކި ތަކެތީގެ ރަހަލާނެ ރެއެވެ. އެ ދުވަހު މެންދުރުފަހަށް އެޅުނީއްސުރެ މޫސުމް އަންނަނީ ވިއްސާރަ ކުލަ ދައްކަމުންނެވެ. އުޑުމަތީގައި ވިލާ ބޯވެ ވައި އަންނަނީ ބާރުވަމުން ނެވެ. 
އެއީ މީގެ އަހަރުތަކެއް ކުރި އެވެ. ރަށު މަދަރުސާގައި ގުރޭޑު ކިލާސްތައް
އުފައްދައި ކިޔަވައިދޭންފެށި ދުވަސްވަރެވެ. އޭރު މަދަރުސާގައި ތިބި
ކުދިންގެ އުމުރުގެ ނިސްބަތަށް ބަލައި އެކި ގުރޭޑު ތަކަށް ކުދިން
ބަހާލި އެވެ. އޭރުވެސް އިނގިރޭސި ކިޔާ ބަހެއް އޮންނަކަމާއި އެ ބަހުގައި ވެސް
"އަލިފުބާ" އޮންނަކަން އެނގެ އެވެ.
މަޑަވެލީ ޢަލީ ނަޞީރު
މަޑަވެއްޔަކީ، ހުވަދުއަތޮޅުގައި މީހުން ދިރިއުޅޭ ރަށްތަކުގެތެރެއިން ރަށެކެވެ. ވުމާއެކު، މިބަޔާނުގައި ގެނެސްދީފައިމިވަނީ އެރަށުގެ ރަށްވެހިކަމުގެ ބައެއް މަޢުލޫމާތެވެ. ހުވަދު އަތޮޅު އޮންނަނީ، އުތުރު އަރުޟުން 0° .11′.30″ N އާއި 0° .55′.01″ N އާއި އިރުމަތީ ޠޫލުން 72° .56′.00″ E އާއި 73° .31′.00″ E އާއި ދެމެދުއެވެ.
ޢަބްދުﷲ ރަޝީދު، މ. ލިނެޓް
މި ހިނގާ 1442 ވަނަ އަހަރުގެ ރަބީޢުލް އައްވަލް މަހުގެ 29 (15 ނޮވެމްބަރ 2020) ވަނަ އާދީއްތަ ދުވަހަކީ، މި އަހަރުގެ ދެވަނަ "މާހުޅެވި" ފާޅުވާ ދުވަހެވެ. ސަބަބަކީ، އެ ދުވަހު ހަނދު ދުނިޔެއާއި ގާތްގަނޑަކަށް 358,458 ކިލޯމީޓަރުގެ ކައިރީގައި ހުއްޓައި އެއްއުއި ވާތީއެވެ. އެއީ، އާ މަހެއް ފެށޭއިރު ދުނިޔެއާއި އެންމެ ކައިރީގައި މި އަހަރު ހަނދު ހުންނަ ދެވަނަ ފަހަރެވެ.
އިސްމާޢީލްޢަލީ، ރ. ކަނދޮޅުދޫ
އިރުއިރުކޮޅާ ހިތުގައި ވިކާހެން ހީވެއެވެ.
ހަފަރާތް ބަލައި ނުފެނުމުން ދެރަވެއެވެ.
ކެޔޮގަޑު ކަނޑައިލީމާ ގަހުގެ ބޭނުމެއް އޮވޭހެއްޔެވެ؟
ޝުކުރުވެރިވުން ވާޖިބެއްކަމުގައި ދެކޭހެއްޔެވެ؟
ޢަބްދުލްޢަޒީޒު ޖަމާލު އަބޫބަކުރު، (މާޒީ)
މިއަދަކީ ދިވެހިރާއްޖޭގެ އުފާވެރި ޖުމްހޫރީ ދުވަހެވެ. އާދޭހެވެ! ދިވެހިރާއްޖޭގެ ޖުމްހޫރީ ވެރިކަމަށް ފަންސާސް ދެ އަހަރު ފުރުނީއެވެ. ނަމަވެސް ދުވަހުގެ މުހިއްމުކަން ދިވެހީންގެ ހިތަށް މާ ބޮޑަށް ވަދެފައި ވެޔެކޭ ދެންނެވޭކަށް ނެތެވެ. ދައުލަތުން ބާއްވާ ރަސްމިއްޔާތެއް ނުވަތަ މީޑިއާއިން ފޮނުވާ ޕްރޮގްރާމެއް ފިޔަވައި، އެ ދުވަސް ފާހަގަވާ މާ ޚާއްޞަ ކަމެއް ނުފެނެއެވެ. މި ފަދަ ދުވަސްތަކަށް ޢާއްމުންގެ ފަރާތުން މާ ބޮޑު ސަމާލުކަމެއް ލިބޭ ކަމަކަށް ދެންނެވޭކަށް ވެސް ނެތެވެ. ކުރީގެ އަހަރުތަކުގައި ބައެއް އިސްކޫލުތަކުން ވެސް ކޮންމެވެސް ވަރަކަށް މި ދުވަސް ފާހަގަކުރޭމެވެ. ނަމަވެސް މި ދުވަސް މުހިއްމުވަނީ ހަގީގަތުގައި ރައްޔިތުންނަށެވެ. ރަސްކަމަކުން ޖުމުހޫރިއްޔަތަކަށް ބަދަލުވުމުގެ ހުރިހާ ވެސް ލާބައަކާއި މަންފާއެއް އޮތީ ރައްޔިތުންނަށެވެ. ދެ ނިޒާމުގެ ސިފަތަކަށް ބަލާ ނަމައެވެ. ނިޒާމުގެ ފަލްސަފާއަށް ރިޢާޔަތްކުރާނަމައެވެ.
ސާދުނާ ޢަބްދުލްކަރީމް
ނަސްރުގެ ދުވަހު ހިނގިކަންކަމޭ އަހުރެން ހަނދާނަށް އަންނަނީ
ޢަސްކަރު ދިފާޢަށް ނުކުމެދިން ހަމަލައިން ޢަދުއްވުން ބަލިވަނީ
ނޫކަނޑުގެ މެދުގައި މުސްލިމުން އުޅެމުން މިދާ ކުޑަ ރާއްޖެއިން
ނޫކަށިފުރާގެ ޒުވާން ޙުސައިން އާދަމް އެރޭ ޤުރުބާން ވަނީ
މަރަކަށް މަށެއް ނުސިހޭނަމޭ ބުނެފައި އަށެއްކަ ސިފައިން ނުކުމެ
ކަރައިން މިއައި ބައިގަނޑުގެ ކަންކަން ހުރި މަގޭ ދެނެގަންނަނީ
ޢަބްދުލްޢަޒީޒު ޖަމާލު އަބޫބަކުރު (މާޒީ)
ނަކަލުކުރުމަކީ މޮޅަށް ޢިބާރާތްކުރާން ބޭނުންކޮށް އުޅޭ ހުނަރެކެވެ. މޮޅަށް ލިޔެފައި ހުންނަ ލިޔުންތައް ނަކަލުކޮށްގެންނެވެ. އެ ފަދަ ލިޔުންތައް ކިޔައިގެންނެވެ. މޮޅު ތަޤުރީރުތައް އަޑުއަހައިގެންނެވެ. މި ގޮތަށް ލިޔުންތައް ބަލައިގެން އަޑުއަހައިގެން ލިޔެފައި ހުންނަ ތަކެތި ކޮޕީކޮށްގެން މޮޅު ލިޔުންތަކުގައި ބޭނުންކޮށްފައި ލަފުޒުތައް ބޭނުންކޮށް އުޅުމަކީ ގޯސް ގޮތެއް ނޫނެވެ. އެއީ ރަނގަޅުކަމެކެވެ. ބޭނުންތެރި ކަމެކެވެ.
ސާދުނާ ޢަބްދުލްކަރީމް
ވެލާވަރަކީ ވަރަށް ގިނައިން ވެލާ އަރާ ރަށެކެވެ. އެ ރަށް ލިޔުއްވައިގެން އުޅެނީ ވަންދޫ ވާރުގޭ ވަސީމެވެ. ވަސީމުގެ ފަރާތުން އެރަށް ބަލަހައްޓަނީ ވަންދޫ ވާހަކަ ގިނަ ވަލީދެވެ.
ވަރަށް ވިއްސާރަ ދުވަހެކެވެ. ވަންދޫ ވާހަކަ ގިނަ ވަލީދު ވާރޭތެރޭގައި ވިއްސާރަ ކޯޓެއް ލައިގެން ވެލާވަރަށް ދާންފުރިއެވެ. އޭރު ވިދައި ގުގުރަމުން ދިޔައެވެ. ނަމަވެސް އޭނާއަކީ ވަރަށް ވިސްނުން ތޫނު މީހެކެވެ.
ވަލީދަށް ވެލާވަރަށް ދެވުނު އިރު ބޯކޮށް ވެހެމުން ދިޔަ ވާރޭ ތުނިކޮށްލައިފިއެވެ. އޭނާ އެންމެ ފުރަތަމަ ވެސް ބެލީ ވެލާވަރުގެ ގޮނޑުދޮށުން ރަށްވަށައި ހިނގައިލުމަށެވެ. ރަށް ވަށައި ބުރެއް ޖެހުމުގެ ބޭނުމަކީ ވޭތުވެ ދިޔަ ރޭ ވެލާވަރަށް ވެލައެއް އެރިތޯ ބެލުމެވެ.
އިސްމާޢީލްޢަލީ، ކަނދޮޅުދޫ
ދެހިތެއްގެ ގުޅުން ރަމްޒު ކޮށްދެނީ ލޯތްބެވެ.
ލޯބިވެތި ދެހިތުގައި ޖަހާ ވިންދު އެއްގޮތެވެ.
ލަވައާއި މިޔުޒިކު ގުޅެއެވެ.
އަބަދު ދުށުމަށް އެދި ހިތް އާދޭސް ކުރެއެވެ.
ޢަބްދުލްޢަޒީޒު ޖަމާލު އަބޫބަކުރު
މީގެ އަހަރުތަކެއް ކުރީން، 2009ގައި، ރައްޔިތުންގެ މަޖިލީހަށް އަޅުގަނޑު ކުރިމަތިލީ އިރު، އަޅުގަނޑުގެ އުއްމީދުގެ އެންމެ ކުރީގައި އޮތީ އަޅުގަނޑު އެންމެ ބޮޑަށް ޝައުޤު ހުންނަ ދެ ދާއިރާ ތަރައްޤީކޮށް ކުރިއަރުވައި ފެންވަރު ހިފެހެއްޓުމަށްޓަކައި ބޭނުންވާނޭ ޤާނޫނީ ބާރުވެރިކަން ހޯދުމުގެ ނިޔަތެވެ. އެކަމަށް ޓަކައި އެ ދެ ދާއިރާއިން ދެ ޤާނޫނެއް ހަދައި މަޖުލީހުން ފާސްކުރެވޭތޯ ބެލުމެވެ. އަޅުގަނޑުގެ މަޤުޞަދު ޙާޞިލުކުރުމަށް ޓަކައި މީހަކަށް ކުރެވޭނެ އެންމެ ބޮޑަކަށް އަޅުގަނޑު މަސައްކަތްކުރީމެވެ.
މުނައްވަރު
އޮނަވިހި ސަތޭކަ އަށާހިވަނަ އަހަރުގެ ނޮވެމްބަރު ވީ ތިނެއް
އޮނަވިހި ދަރީންނެ ޝަހީދުވީ އެ ދަރީން އެއީ އަގުހުރި ބަޔެއް
ޤައުމާއި ދީނާ ފޭރުމަށް އައި ބައިގަނޑެއް ފައްސައިލުމަށް
ޤައުމަށްޓަކައި ކެރިގެން ޙުސައިން އާދަމް ކުރީ ގަދަ ހިތްވަރެއް
އަށް ބޭކަލުން ސިފައިންގެއިން ވެއްޖޭ ޝަހީދުންނަށް އެދުހު
އަށްޑިހަ ޕްލޯޓުން ޙަމަލަދީ ލޭ އޮހޮރުވީމާ ނެތި ބިރެއް
އަދަބީ މުރާސިލު
ކުރީގެ މަޝްހޫރު އިސްކޫލެއްކަމުގައިވާ އިންގްލިޝް ޕްރެޕަރޭޓަރީ އެންޑް ސެކަންޑަރީ ސްކޫލް (އީޕީއެސް ސްކޫލް) އުފެއްދިތާ ފަންސާސް އަހަރުފުރުނު އިރު، އެ އިސްކޫލު ވަނީ ބިލަބޮންގ ހައި އިންޓަރނޭޝަނަލަ ސްކޫލް ވުޖޫދަށް އައުމާއެކު މަޑުމަޑުން ހިނދިފައެވެ. އެ ސްކޫލްގެ ނަން ކުޑަކޮށް އިވުމަށް ފަހު އެ ސްކޫލްގެ ނަން ރަސްމީ ގޮތުން އަޑެއް ނީވެއެވެ. ނަމަވެސް އެއީ ދިވެހި އަގުހުރި އެތައް ދަރީންނެއް ބިނާކުރި ޚިދުމަތްތެރި ސްކޫލެވެ. ރާއްޖޭގައި އިނގިރޭސި މީޑިއަމުން ކިޔަވައިދޭންފެށި އަމިއްލަ ފުރަތަމަ އިސްކޫލެވެ.
އިސްމާޢީލް ޢަލީ، ކަނދޮޅުދޫ
ﷲ ސުބްޙާނަހޫ ވަތަޢާލާ ތަދުބީރު ކުރައްވައިފައިވާ ފުރިހަމަ އުޞޫލާ އެއް ގޮތަށް ކާއިނާތުގެ ކަންތައް ހިނގަމުން ދެއެވެ. އެކަމަކަށް އެއްވެސް ބަދަލެއް ނާދެއެވެ. ދުނިޔެ ދައުރުވެއެވެ. ރޭދުވާ ތަކުރާރުވެއެވެ. އިރުއަރައި އޮއްސެއެވެ. އިންސާނާގެ ވުޖޫދު ނިމުމުގެ މަރްހަލާތައް ކަޑައްތު ކުރަމުން ދަނީ ރޭވިފައިވާ ނިޒާމުގެ ތެރެއިންނެވެ.
އިންސާނައަށް ހީވަނީ ވަގުތު ވަރަށް ހަލުވި ކަމާއިއެކު ދާކަމުގައެވެ. އެހެންނަމަވެސް ދުވަހެއްގެ ދިގު މިނަކީ 24 ގަޑިއިރެވެ. 1440 މިނެޓެވެ. 86400 ސިކުންތެވެ.
ޑރ. ޢަބްދުލްޣަފޫރު ޢަބްދުއްރަޙީމް
މި ވާހަކަ ދައްކަންޖެހޭ މައިގަނޑު ސަބަބަކީ މައްސަލައެއް ނަގައި އެއާ މެދު އެއްޗެއް ބުނާ އިރަށް، އެ ބުނާއެއްޗަކީ، އާންމު މީހުން ދެކޭ ގޮތާ ފުށުއަރާކަމަށްވާ ނަމަ، މައްސަލައިގެ މައްޗަށް ނަޒަރު ހިންގައި ބަލައިލުމެއް ނެތި، މިވެނި އިލްމުވެރިޔަކު ތި މައްސަލައާ ބެހޭ ގޮތުން ބުނަނީ މިވެނި ހެނޭ ބުނެ، މައްސަލައާ މެދު ބަހުސްކުރުމަށް ހުރަސް އަޅާތީ، އިސްލާމީ އުސޫލުތަކުގައި ކަން އޮންނަ ގޮތަކީ މިއީ ނޫންކަން ބަޔާންކޮށްދިނުމުގެ ގޮތުންނެވެ. ފިގުހީ ހުރިހާ މައްސަލަތަކަކީ ވެސް ބަހުސްކޮށް، އިސްލާމީ ޝަރުއީ އުސޫލުތަކުގެ އަލީގައި ހައްލު ހޯދަން ޖެހޭނޭ މައްސަލަތަކެވެ. ކޮންމެ އަކަސް މިއަދުގެ ވާހަކައާގެން ކުރިއަށް ދިޔުމުގެ ކުރިން ކަމާ ބެހޭ އެހެން މައްސަލައެއްގެ ވާހަކަދައްކަން ޖެހެއެވެ. މިއަދު ބަޔާންކޮށްދޭން ގަސްދުކުރާ 'އުސޫލީ މައްސަލަ' ސާފުވެދިޔުމަށްޓަކައެވެ.
ޑރ. ޢަބްދުލްޣަފޫރު ޢަބްދުއްރަޙީމް، ގ. މަންޒިލް
މިއަދަކީ އިހުގައި ދިވެހިން ކިޔާ އުޅުނު ގޮތުން ބާރަ ދުވަހެވެ. ރަބީއުއްލައައްވަލު މަހުގެ ބާރަވަނަ ދުވަހެވެ. އާދެ، ވަރަށް ގިނަ ބަޔަކު ދެކޭ ގޮތުގައި، ކީރިތި ރަސޫލާގެ (ﷺ) އުފަން ދުވަހެވެ. މި ދުވަސްވަރު ބާރަ ދުވަސް އައުމުން، އެންމެ ފުރަތަ ދެކެވޭ ވާހަކަތަކުގެ ތެރޭގައި މި ދުވަސް ފާހަގަކުރުމުގެ ޝަރުއީ ހުކުމް ބަޔާންކުރުން ހިމެނެއެވެ. އެއްބަޔަކު ދެކެނީ އެއީ ބިދުއަތެއްގެ ގޮތުގައެވެ. ދީނުގައި އަލަށް އުފައްދައިގެން އުޅޭ ކަމެއްގެ ގޮތުގައެވެ. ކީރިތި ރަސޫލާ (ﷺ) އާއި އަދި ސަލަފުއްޞާލިޙުންގެ ދުވަސްވަރު، އާދެ، މުސްލިމުންގެ އިހުގެ ފުރަތަ ދެތިން ޖީލުގެ ފަރާތުން މި މުނާސަބާ އެއްގޮތަކަށް ވެސް ފާހަގަކޮށްފައި ނުވާކަމެވެ. އަނެއް ބަޔަކު، މި ކަން ފާހަގަކުރުމުގައި މައްސަލައެއް އޮތް ކަމަކަށް ނުދެކެއެވެ. މިއީ ދީނީ ކަމެއް، އެބަހީ، އަޅުކަމެއްގެ ގޮތުން، މާތްކަލާނގެއާއި ކުއްތަންވުމަށްޓަކައި، ކުރެވޭ ކަމެއް ނޫންކަމެވެ. ނަމަވެސް، ސަގާފީ، އެބަހީ، އާދަކާދައާ ގުޅުވައިގެން ކުރެވޭ ކަމެއްގެ ގޮތުގައި ދެކެއެވެ. ކޮންމެ އަކަސް، މި ލިޔުމުގެ ބޭނުމަކީ މި ބަހުސްގެ ތެރެއަށް ވަދެ، ޝަރުއީ ގޮތުން، މި ކަމުގެ ރަނގަޅު ނުރަނގަޅު ގޮތް ކަނޑައެޅުމެއް ނޫނެވެ. މި ލިޔުމުގެ ބޭނުމަކީ އެހެން ދުވަސްތައް ފަދައިން، މިއަދުވެސް، ކީރިތި ރަސޫލާ (ﷺ) މަތިން ހަނދާންކޮށްލުމެވެ. އަދި، މި ގޮތުން ކޮންމެވެސް އެއްޗެއް ބުނެލުމެވެ.
ޢަބްދުލްޢަޒީޒު ޖަމާލު އަބޫބަކުރު
ކުރަންވީ ހެޔޮ ޢަމަލު އަޅަމެން ނުރައްކާ ފޭކުރާނެންޏާ
ދުރަށް ޝައިޠާނު ފައްސައިލައި އަމާން މަގުގައި ތިބޭނެންޏާ
ވަޔާ ދުނިޔޭގެ އާބުހަވާ ތިމާއަށް ގެންނަ ބަލިބައްޔާ
ޙަޔާތުގެ އެކި މުޞީބާތުން ދަފުޢު ވެވިގެން އުޅޭނެންޏާ
އެދުން ވާނަމަ އަރުތަ ލިބުމަށް ފަލާޙާ ކާމިޔާބާ، އަދި-
ދެދުނިޔޭން ޖާހު މާތް ޝަރަފާ ތިމާ ބޭނުންވެގެން ވަންޏާ
ޢަބްދުލްޢަޒީޒު ޖަމާލު އަބޫބަކުރު
އެހީތެރި މިތުރަކާ ދެކޮޅަށް ގުޅައިލާ އިއްތިޙާދު ކޮޅަށް
އެހީއަށް އެދި އަރައި ގުޅުނަސް ތިބޭނީ އަބަދުވެސް ދެކޮޅަށް
ދުކެއް އައި ނަމަ އައީ އެ ކޮޅުން، މިއީ ތާރީޚު ދައްކާ ގޮތް
ފުކެއްވެސް ދޫނުކޮށް އެވެރިން، އަޑިން ތިބެނީ އަބަދު ދެކޮޅަށް
ސަލާމަތްކަން އަދައި މަސްހުރި ކޮށާރެއް ބުޅަލަކަށް ދިނުމުން
މަލާމާތެއް ކަމަށް ނޫންތޯ އެ ވާނީ ހަމަ ވެވޭ ދެކޮޅަށް
ވަގެއްގެ އަތަށް ތިޖޫރީ ދީ، އެހީތެރިވާން އެދޭ ނަމައީ
މަގެއް ނޫންތޯ އެއީ ހުޅުވާ، ލިބޭނީ ދޫކަމޭ މުކޮޅަށް
އިސްމާޢީލް ޢަލީ، ކަނދޮޅުދޫ
ފަހު ނޭވާ ލުމުގެ ކުރިން އެ ފަކީރަށް އެހީވެވުނު ނަމައެވެ.
ނިމި އެ ދިޔައީ އެހީތެރިކަމުގެ އަތެއް ނެތިއެވެ.
ގުލާނު ކޮށްގެން އަހަރެންނަށް ހޭހަން ކުރިއެވެ.
ބޮޑުވެ މީހަކަށްވީދުވަހު އެފަކީރު ދޫކޮށް ލެވުނީއެވެ.
އަޅައިނުލާކަށް ނޫނެވެ. ހޭހަން ނުކުރާކަށް ނޫނެވެ.
އިސްމާޢީލް ޢަލީ، ކަނދޮޅުދޫ
އިރު އޭގެ ވާޖިބު އަދާކުރުމަށްފަހު އުދަރެހާއި ނިވާ ވީއެވެ. ހުޅަނގު ފަރާތު އުދަރެސް އޮރެންޖު ކުލައިން ޖަރީ ކުރަމުންނެވެ. އިރު އޮއްސޭ މަންޒަރު ބަލާލުމަށް އައިސް ތިބި މީހުނަނަށް އުފާވެރި ހިތްހަމަ ޖެހުން ގެނެސްދޭ ރީތި މަންޒަރެއް ދައްކަމުންނެވެ. އިރުކޮޅަކުން ކަނުއަނދިރިކަން މުޅިތަނަށް ފެތުރިގެންދާނެވެ.
އިރު އޮއްސޭ މަންޒަރުން އުފާވެރިކަމެއް ހިތުގައި ހިނގައިލިނަމަވެސް ދުވަސް ފާއިތުވެ ދިޔުމުން ހިތުގައި މޮޅިވެރިކަމުގެ ސާލުފަތުރައިލައެވެ. މުޅި ދުވަހު ކުރި އުންމީދު ޙާސިލް ނުވުމުން އެ ކަމުގެ ދެރައާއި ހިތާމަ، ހިތުގައި ހިނގައެވެ.
ޢަބްދުލްޢަޒީޒު ޖަމާލު އަބޫބަކުރު
ޚިޔާލުފާޅުކުރުމާއި ފާޑުކިޔުމަކީ މުހިއްމުކަމެކެވެ. އެއީ ކަންކަން އިޞްލާހުކޮށް ފުރިހަމަކުރާން ލިބޭ ބާރެކެވެ. މިއީ ޤާނޫނުއަސާސީއިން ވެސް ރައްޔިތުންނަށް ލިބި ދީފައިވާ ޙައްޤެކެވެ. ނަމަވެސް މި ޙައްޤުގެ ބޭނުންކުރާންވާނީ ޒިންމާދާރުކަމާއެކުގައެވެ. ކަމާބެހޭ ފުރިހަމަ މަޢުލޫމާތު ހޯދައިގެންނެވެ. ޢިލްމީ ގޮތުން ޚިޔާލުފާޅުކުރާންވާނީ ޢިލްމީ ގޮތެއްގައެވެ. ބަޔަކު ކުރާ ކަމަކާ ގުޅޭ ގޮތުން ލިޔުއްވާ އިރު، އެ ބަޔެއްގެ ފުށުން މަޢުލޫމާތު ހޯދައިގެންނެވެ. އެ ވާހަދައްކާ މައުޟޫއަކާ ބެހޭ ގޮތުން މަޢުލޫމާތު ހޯދައިގެންނެވެ. އެހެން ނޫނީ އެ ވާނީ އާޑަކިޔުމަކަށެވެ.